| e-texts navigator |
| Wylie |
131b1 ཅན་ཐམས་ཅད་ཀྱི་བསོད་ནམས་ཀྱི་ཞིང་རྣམ་པར་དག་པར་འགྱུར། སེམས་ཅན་ཐམས་ཅད་ཀྱིས་འགྲོ་བར་བྱ་བར་འགྱུར། སེམས་ཅན་ཐམས་ཅད་ཀྱིས་མཆོད་པར་འགྱུར། རབ་ཏུ
131b2 བསྟོད་པར་འགྱུར་རོ། ། རབ་ཀྱི་རྩལ་གྱིས་རྣམ་པར་གནོན་པ། ཤེས་རབ་ཀྱི་ཕ་རོལ་ཏུ་ཕྱིན་པ་འདི་ལ་སློབ་པའི་བྱང་ཆུབ་སེམས་དཔའ་ནི། བྱང་ཆུབ་སེམས་དཔའི་མཆོག་ལ་སློབ་པའོ།།
131b3 སེམས་ཅན་ཐམས་ཅད་ཀྱང་མྱ་ངན་ལས་འདས་པའི་ལམ་རྣམ་པར་སྦྱངས་པའི་ཕྱིར་སློབ་པའོ།། དེ་ཅིའི་ཕྱིར་ཞེ་ན། རབ་ཀྱི་རྩལ་གྱིས་རྣམ་པར་གནོན་པ། ཤེས་རབ་ཀྱི་ཕ་རོལ་ཏུ་ཕྱིན
131b4 པའི་བསླབ་པ་འདི་མཆོག་དམ་པ་རབ་ཕུལ་དུ་བྱུང་བ། བླ་ན་མེད་པའི་སློབ་པའོ།། རབ་ཀྱི་རྩལ་གྱིས་རྣམ་པར་གནོན་པ། འདི་ལ་སློབ་པའི་བྱང་ཆུབ་སེམས་དཔའ་ནི་སློབ་པ་ཐམས་ཅད
131b5 ཀྱི་དམ་པའི་མཆོག་རྙེད་པར་འགྱུར། བསླབ་པ་ཐམས་ཅད་བཟུང་བས་འབྱུང་བར་འགྱུར། བསླབ་པ་ཐམས་ཅད་ཀྱང་སྟོན་པར་འགྱུར། བསླབ་པ་ཐམས་ཅད་ཐོབ་པར་བྱེད་པར་འགྱུར།
131b6 རོ།། རབ་ཀྱི་རྩལ་གྱིས་རྣམ་པར་གནོན་པ། འདས་པ་དང་། མ་འོངས་པ་དང་། ད་ལྟར་བྱུང་བའི་སངས་རྒྱས་བཅོམ་ལྡན་འདས་བྱང་ཆུབ་སེམས་དཔའི་སྤྱད་པ་སྤྱོད་པ་ན། བསླབ
131b7 པ་འདི་ལས་བསླབས་སོ། ། སློབ་བོ།། སློབ་པར་འགྱུར་རོ།། སངས་རྒྱས་བཅོམ་ལྡན་འདས་རྣམས་བསླབ་པ་འདི་ལ་ཤིན་ཏུ་གནས་ནས། སེམས་ཅན་ཐམས་ཅད་ལ་བླ་ན་མེད་པའི
iiif viewer powered by OpenSeadragon
