| e-texts navigator |
| Wylie |
130a1 དུ་ཤེས་རབ་ཀྱི་ཕ་རོལ་ཏུ་ཕྱིན་པ་འདི་བྱང་ཆུབ་སེམས་དཔའ་གང་ལ་ཉེ་བར་འགྱུར་བ་དེ་མྱུར་དུ་ཆོས་ཀྱི་འཁོར་ལོ་བསྐོར་བར་འགྱུར་བར་རིག་པར་བྱའོ། ། རབ་ཀྱི་རྩལ་གྱིས
130a2 རྣམ་པར་གནོན་པ། འདི་ལྟ་སྟེ། དཔེར་ན་དབྱར་གྱི་ཟླ་བ་ཉེ་བར་གནས་པ་ན། ས་ཆེན་པོ་འདི་སྤྲིན་ལ་བརྟེན་ནས་སྣུམ་པར་འགྱུར་ཞིང་། ཆར་མཐར་གྱིས་བབ་པོས་བངས་ནས་ཆུ་བྱུང་སྟེ།
130a3 གང་ཆུ་མིག་མང་པོ་བྱུང་བ་དེས་ས་ཆེན་པོའི་སྟེང་འདི་ཚིམ་པར་བྱེད། དེ་བཞིན་དུ་ས་ཆེན་པོའི་འཁོར་ཡང་བངས་པར་འགྱུར་ཞིང་། སྟེང་འདི་ཆུས་ཡོག་ནས་གང་ལྗོངས་དང་ཐང་རྣམས་ཚིམ་པར
130a4 བྱེད་དེ། དེ་ལྟར་ས་ཆེན་པོ་འདིའི་ཐང་སྤྲིན་གྱིས་བངས་པར་བྱས་པས། རྩཝ་དང་། ཤིང་གེལ་བ་དང་། སྨན་དང་། ནགས་ཚལ་རྣམས་ཀྱང་ངོམས་པར་འགྱུར་རོ།། དེ་དག་ངོམས་པས
130a5 ཡལ་ག་དང་། ལོ་མ་དང་། འདབ་མ་མང་པོ་སྐྱེ་བར་འགྱུར། མེ་ཏོག་དང་འབྲས་བུ་མང་པོའང་ཆགས་པར་འགྱུར་རོ།། དེའི་ཚེ་ས་ཆེན་པོ་འདིས་ཡིད་དུ་འོང་བའི་དྲི་འབྱིན་ཏོ།། དེའི་ཚེས
130a6 ཆེན་པོ་འདི་མེ་ཏོག་དང་། འབྲས་བུ་དང་། ཆུ་མིག་དང་། མཚེའུ་དང་། ལྟེང་ཀ་དག་གིས་མཛེས་པར་བྱས་པར་འགྱུར། དེ་ན་མི་དང་མི་མ་ཡིན་པ་རྣམས་མེ་ཏོག་དང་འབྲས་བུ་དེ་དག
130a7 ལ་ཟ་ཞིང་། དྲི་དེ་དག་ལའང་སྣོམ་པས་དགའ་བར་འགྱུར་རོ།། རབ་ཀྱི་རྩལ་གྱིས་རྣམ་པར་གནོན་པ། དེ་བཞིན་དུ་ནམ་བྱང་ཆུབ་སེམས་དཔའ་ལ་ཤེས་རབ་ཀྱི་ཕ་རོལ་ཏུ་ཕྱིན་པ་འདི་མངོན་དུ
iiif viewer powered by OpenSeadragon
