| e-texts navigator |
| Wylie |
129b1 སྐྱེ་བོ་མང་པོའི་བྱ་བ་བྱེད་པར་གྱུར་པ་ལྷར་སྐྱེ་བར་འདོད་ན། དེ་དག་མྱུར་དུ་རྒྱལ་ཆེན་བཞིའི་རིས་ཀྱི་ལྷ་རྣམས་དང་སྐལ་བ་མཉམ་པར་སྐྱེ་ཞིང་། དེ་ནའང་དབང་པོ་བྱེད་པར་འགྱུར་བར་རིག།
129b2 པར་བྱའོ།། རབ་ཀྱི་རྩལ་གྱིས་རྣམ་པར་གནོན་པ། གང་སུ་དག་དགེ་བའི་རྩ་བ་ཡོངས་སུ་དག་པ་དང་། དགེ་བའི་རྩ་བ་མཆོག་དང་ལྡན་ལ། སྔར་སྦྱིན་པ་སྦྱིན་ཞིང་ཕྱིས་བདག་སྤྱོད་པ
129b3 དང་། སྔར་སེམས་ཅན་གཞན་དག་གི་བྱ་བ་བྱེད་དེ། ཕྱིས་བདག་གི་བྱེད་པ་དང་། ཆོས་མ་ཡིན་པ་ལ་འདོད་ཅིང་ཆགས་པ་མེད་པ་དང་། མི་ཟད་པའི་འདོད་པ་དང་ཆགས་པ་མེད་པ
129b4 དང་། ལྷའི་དབང་པོ་དང་བདག་པོར་འདོད་པོ་དེ་དག་ནི། རིང་པོར་མི་ཐོགས་པར་མི་གཡོ་མི་བསྐྱོད་པར་སུམ་ཅུ་རྩ་གསུམ་གྱི་ལྷ་རྣམས་ཀྱི་དབང་པོ་དང་བདག་པོ་བྱེད་པར་འགྱུར་ཏེ།
129b5 ལྷའི་དབང་པོ་བརྒྱ་བྱིན་དུའང་འགྱུར་བར་རིག་པར་བྱའོ།། རབ་ཀྱི་རྩལ་གྱིས་རྣམ་པར་གནོན་པ། དེ་བཞིན་དུ་ཤེས་རབ་ཀྱི་ཕ་རོལ་ཏུ་ཕྱིན་པ་འདི་བྱང་ཆུབ་སེམས་དཔའ་གང་ལ་ཉེ་བར་གྱུར
129b6 པཔ་དེ་མྱུར་དུ་ཆོས་ཐམས་ཅད་ལ་དབང་བྱེད་པའི་དབང་པོ་རྗེས་སུ་ཐོབ་པར་འགྱུར་ཞིང་། དེར་ཐུག་པར་རིག་པར་བྱའོ།། རབ་ཀྱི་རྩལ་གྱིས་རྣམ་པར་གནོན་པ། འདི་ལྟ་སྟེ། དཔེར་ན
129b7 སེམས་ཅན་གང་དག་ཚངས་པའི་གནས་པ་བཞི་རྙེད་པར་འགྱུར་བ་དེ་དག་ནི་མྱུར་དུ་ཚངས་པའི་འཇིག་རྟེན་དུ་སྐྱེ་བར་འགྱུར་བར་རིག་པར་བྱའོ། ། རབ་ཀྱི་རྩལ་གྱིས་རྣམ་པར་གནོན་པ། དེ་བཞིན
iiif viewer powered by OpenSeadragon
