| e-texts navigator |
| Wylie |
128b1 འགྱུར་བ་དེ་དག་ཁ་ཅིག་སངས་རྒྱས་བཅོམ་ལྡན་འདས་རྣམས་ཀྱིས་མངོན་སུམ་དུ་ལུང་བསྟན་ཀྱང་། དེ་དག་ནི་ལུང་བསྟན་པ་དང་ཉེ་སྟེ། དེ་དག་ནི་རིང་པོ་མི་ཐོགས་པར་མངོན་སུམ་དུ
128b2 ལུང་བསྟན་པ་ཐོབ་པར་འགྱུར་བར་རིག་པར་བྱའོ། ། རབ་ཀྱི་རྩལ་གྱིས་རྣམ་པར་གནོན་པ། འདི་ལྟ་སྟེ། དཔེར་ན་སེམས་ཅན་གང་དག་དགེ་བ་བཅུའི་ལས་ཀྱི་ལམ་ཡང་དག་པར
128b3 བཟུང་སྟེ་འདུག་པའི་སེམས་ཅན་དེ་དག་བྱང་གི་སྒྲ་མི་སྙན་དུ་སྐྱེ་བ་དང་ཉེ་བ་སྟེ། དེར་ཐུག་པར་རིག་པར་བྱའོ།། རབ་ཀྱི་རྩལ་གྱིས་རྣམ་པར་གནོན་པ། དེ་བཞིན་དུ་ཤེས་རབ་ཀྱི་ཕ་རོལ་ཏུ
128b4 ཕྱིན་པ་འདི་བྱང་ཆུབ་སེམས་དཔའ་གང་གི་ལག་ཏུ་འགྲོ་བར་འགྱུར་བ་དེའང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་དང་ཉེ་བ་ཡིན་པར་རིག་པར་བྱའོ། ། རབ་ཀྱི་རྩལ་གྱིས་རྣམ་པར་གནོན་པ།
128b5 འདི་ལྟ་སྟེ། དཔེར་ན་སེམས་ཅན་གང་དག་སྦྱིན་པ་སྦྱིན་ཞིང་ལྷུག་པར་གཏོང་བར་གྱུར་ལ། སེམས་ཅན་རྣམས་ཀྱང་སྦྱིན་པ་དང་། སྙན་པར་སྨྲ་བ་དང་། དོན་སྤྱོད་པ་དང་། དོན་མཐུན
128b6 པས་ཀུན་སྡུད་ཅིང་། ཚུལ་ཁྲིམས་ཀྱང་སྲུང་ལ། ང་རྒྱལ་བཅོམ་པའི་སེམས་ཅན་དེ་དག་མྱུར་དུ་རིགས་མཐོན་པོ་དང་ལོངས་སྤྱོད་ཆེན་པོར་འགྱུར་ཏེ། དེར་ཐུག་པར་རིག་པར་བྱའོ།། རབ
128b7 ཀྱི་རྩལ་གྱིས་རྣམ་པར་གནོན་པ། འདི་ལྟ་སྟེ། དཔེར་ན་སེམས་ཅན་གང་དག་སྦྱིན་པའི་ངང་ཚུལ་ཅན་དུ་གྱུར་པ། ཚུལ་ཁྲིམས་ཕུན་སུམ་ཚོགས་པར་གྱུར་པ། བཟོད་པ་ཕུན་སུམ
iiif viewer powered by OpenSeadragon
