| e-texts navigator |
| Wylie |
120a1 ཕྱིར་ཞེ་ན། རབ་ཀྱི་རྩལ་གྱིས་རྣམ་པར་གནོན་པ། ཕྱིན་ཅི་ལོག་གི་དངོས་པོ་དམིགས་སུ་མེད་དོ།། དེའི་འབྱུང་བའང་མི་དམིགས་པའི་ཕྱིར་རོ།། དེ་ཅིའི
120a2 ཕྱིར་ཞེ་ན། རབ་ཀྱི་རྩལ་གྱིས་རྣམ་པར་གནོན་པ། ཕྱིན་ཅི་ལོག་ནི་མེད་པ། ཡང་དག་པ་མ་ཡིན་པ། བརྫུན་པ། གསོབ། སླུ་བའི་ཆོས་ཅན་ཏེ། དེ་ལ་ཆོས་གང
120a3 ཡང་མི་དམིགས་པས། དེ་ནི་ཕྱིན་ཅི་ལོག་ཅེས་བྱའོ།། རབ་ཀྱི་རྩལ་གྱིས་རྣམ་པར་གནོན་པ། ཕྱིན་ཅི་ལོག་ཅེས་བྱ་བ་འདི་ནི་སེམས་ཅན་རྣམས་སླུ་བའོ།། འདི་ནི་སེམས་ཅན
120a4 རྣམས་ལ་འདྲིད་པའོ། ། འདི་ནི་སེམས་ཅན་རྣམས་ཀྱི་ཡང་དག་པ་མ་ཡིན་པ་ཀུན་རྟོག་པའོ།། འདི་ནི་སེམས་ཅན་རྣམས་ཀྱི་རློམ་སེམས་དང་། གཡོ་བ་དང་། སྤྲོས་པའོ།།
120a5 རབ་ཀྱི་རྩལ་གྱིས་རྣམ་པར་གནོན་པ། འདི་ལྟ་སྟེ། དཔེར་ན་བྱིས་པ་ནི་ཆད་པ་སྟོང་པས་བྲིད་ན། དེ་ཡང་དག་པ་སྙམ་དུ་འཛིན་ཏོ།། རབ་ཀྱི་རྩལ་གྱིས་རྣམ་པར་གནོན་པ།
120a6 དེ་བཞིན་དུ་བྱིས་པ་སོ་སོའི་སྐྱེ་བོ་རྣམས་ཀྱང་གསོག་དང་ཕྱིན་ཅི་ལོག་གིས་བྲིད་པ། རྨོངས་ནས་འདི་ཡང་དག་པ་ཡིན་པ་སྙམ་དུ་སེམས་སོ།། དེ་དག་ཡང་དག་པ་མ་ཡིན་པ་ལ་ཡང་དག
120a7 པར་འདུ་ཤེས་ཤིང་ཕྱིན་ཅི་ལོག་པས། དེའི་ཕྱིར་ཕྱིན་ཅི་ལོག་དེ་ལས་དགྲོལ་དཀའ་བར་འགྱུར་རོ།། རབ་ཀྱི་རྩལ་གྱིས་རྣམ་པར་གནོན་པ། དེ་ལྟར་ན་བྱིས་པ་སོ་སོའི་སྐྱེ་བོ་ཐམས
iiif viewer powered by OpenSeadragon
