| e-texts navigator |
| Wylie |
115a1 པས། བདུད་ཀྱིས་གླགས་མི་རྙེད་ཅིང་། དེ་ལ་བར་ཆད་བྱ་བའི་ཕྱིར་ཉེ་བར་གནས་པར་མི་འགྱུར་ཏེ། བྱང་ཆུབ་སེམས་དཔའ་དེ་ལ་བདག་གིས་ཀླན་ཀ་བཙལ
115a2 བ་འམ། མཐོ་བཙམ་པར་བྱའོ་སྙམ་དུའང་སེམས་མི་སྐྱེད་དོ།། གལ་ཏེ་དེ་དག་གིས་བར་ཆད་བྱ་བའི་ཕྱིར་སེམས་བསྐྱེད་ན། དེའི་ཕྱིར་དེ་བདག་ལ་སྡུག་བསྔལ་ཆེན་པོ་འབྱུང་བར
115a3 ཡང་དག་པར་ཤེས་ནས། དེ་དག་ལ་འཇིགས་པ་ཆེན་པོ་ཉེ་བར་གནས་པར་འགྱུར་བས། བདག་མེད་པར་མི་འགྱུར་གྲང་སྙམ་སྟེ། སྐྱོ་བར་གྱུར་ནས་མཐོ་བ་ཙམ་པའི་སེམས
115a4 སྨོན་པར་འགྱུར་ཞིང་། དེ་དག་གི་སེམས་བསྐྱེད་པ་དེ་དག་ཀྱང་ནུབ་པར་འགྱུར་རོ།། རབ་ཀྱི་རྩལ་གྱིས་རྣམ་པར་གནོན་པ། རྣམ་གྲངས་འདིས་བྱང་ཆུབ་སེམས་དཔའ་ལ་བདུད
115a5 སྡིག་ཅན་རྣམས་ཀྱིས་བར་ཆད་བྱ་བའི་ཕྱིར་ཉེ་བར་གནས་ཤིང་བར་ཆད་བྱ་བའི་སྐབས་མི་རྙེད་དོ། ། རབ་ཀྱི་རྩལ་གྱིས་རྣམ་པར་གནོན་པ། གཞན་ཡང་ཤེས་རབ་ཀྱི་ཕ
115a6 རོལ་ཏུ་ཕྱིན་པ་འཆད་པ་དང་། བྱང་ཆུབ་སེམས་དཔའ་འདུན་པ་དང་། ལྷག་པའི་བསམ་པ་དང་། གུས་པ་དང་། རིམ་གྲོར་བྱ་བ་དང་། སྟོན་པར་འདུ་ཤེས་སྐྱེད་པར
115a7 འགྱུར། ཕ་རོལ་ཏུ་ཕྱིན་པ་དྲུག་དང་ལྡན་པའི་གཏམ་བརྗོད་པ་ན་དོགས་དང་། ཐེ་ཙོམ་དང་། ཡིད་གཉིས་སྐྱེད་པར་མི་འགྱུར། ཆོས་ཟབ་མོ་ཐོས་ན་མགོ་རྨོངས་པ་འམ
iiif viewer powered by OpenSeadragon
