| e-texts navigator |
| Wylie |
111a1 ཅན་བྱིན་གྱིས་བརླབས་ནས་ཉམས་སྨད་པར་འགྱུར། འཇིགས་ཤིང་སེམས་ཞུམ་པར་འགྱུར་ཏེ། དེ་ལ་གླགས་རྙེད་པར་མ་ནུས་ནས། དེ་འདི་སྙམ་དུ
111a2 བདག་གིས་ཀྱང་དེ་ལ་གླགས་རྙེད་པར་མ་ནུས་ན། བདག་གི་འཁོར་གྱིས་ལྷ་ཅི་སྨོས་ཏེ། གང་གཞན་དག་གིས་བྱིན་གྱིས་བརླབས་པར་ལྷ་ག་ལ་འགྱུར་སྙམ་དུ་སེམས་སོ།།
111a3 དེའི་ཕྱིར་བདུད་སྡིག་ཅན་དེ་དག་འཇིགས་ཤིང་སྤྲོ་བ་ཡོངས་སུ་ཉམས་ནས་སྡུག་བསྔལ་དང་ཡིད་མི་བདེ་བ་སྐྱེས་ཏེ། རང་གི་གནས་སུ་དོང་ནས་སེམས་ཁོངས་སུ་ཆུད་ཅིང་འཁོད་དེ།
111a4 ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའི་བྱང་ཆུབ་སེམས་དཔའ་ལ་སེ་གོལ་གཏོགས་པ་སྲིད་དུའང་སེམས་རྨོངས་པར་བྱེད་མི་ནུས་ན། གཞན་བར་ཆད་བྱ་བར་ལྟ་ཅི་སྨོས། རབ་ཀྱི
111a5 རྩལ་གྱིས་རྣམ་པར་གནོན་པ། འདི་བྱང་ཆུབ་སེམས་དཔའ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པས། དེ་ལྟ་བུའི་ཤེས་རབ་ཀྱི་སྟོབས་བསྐྱེད་པར་འགྱུར་བའོ།། ཤེས་རབ་ཀྱི
111a6 སྟོབས་བསྐྱེད་པ་དེ་ལྟ་བུ་དང་ལྡན་པས། གལ་ཏེ་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཀྱི་སེམས་ཅན་བདུད་དུ་གྱུར་ལ། དེ་དག་ཐམས་ཅད་ཀྱང་འཁོར་བདུད་མང
111a7 པོ་ལྷན་ཅིག་ཏུ། ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའི་བྱང་ཆུབ་སེམས་དཔའ་ལ་མཐོ་འཚམས་པའི་བསམ་པས་དོང་ཡང་། རབ་ཀྱི་རྩལ་གྱིས་རྣམ་པར་གནོན་པ
iiif viewer powered by OpenSeadragon
