| e-texts navigator |
| Wylie |
110b1 འགྱུར་རོ། ། རབ་ཀྱི་རྩལ་གྱིས་རྣམ་པར་གནོན་པ། འདི་ལྟ་སྟེ། དཔེར་ན་སྐྱེས་བུ་ནོར་གྱི་ཕུང་པོ་ཆེན་པོ་ཉམས་པར་གྱུར་པ་ནི། སྡུག་བསྔལ་བར་གྱུར་ཏེ། མི་དགའ་ཞིང་ཡིད
110b2 མི་བདེ་བ་ཆེན་པོ་དང་ལྡན་ནོ། ། དེ་བཞིན་དུ་གང་གི་ཚེ་བྱང་ཆུབ་སེམས་དཔའ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད། ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྒོམ། ཤེས་རབ་ཀྱི་ཕ་རོལ
110b3 ཏུ་ཕྱིན་པ་ལ་སྦྱོར་བར་བྱེད་པ་ནི། བདུད་སྡིག་ཅན་ཡང་སེམས་མི་བདེ་བ་དང་། ཡིད་ལ་གཅགས་པ་དང་། མྱ་ངན་གྱི་ཟུག་རྔུས་ཟུག་སྟེ། སྡུག་བསྔལ་ཞིང་རང་གི་གནས
110b4 ལའང་མི་དགའ་བར་འགྱུར་རོ། ། རབ་ཀྱི་རྩལ་གྱིས་རྣམ་པར་གནོན་པ། གཞན་ཡང་བདུད་སྡིག་ཅན་དེ་དག་བདག་གི་གནས་སུ་འདུས་ནས་ཇི་ལྟར་བྱ། ཅི་ཞིག་བྱ
110b5 སྙམ་སེམས་ཤིང་། ཐེ་ཙོམ་དང་མྱ་ངན་གྱི་ཟུག་རྔུས་ཟུག་པར་འགྱུར་རོ།། དེ་དག་ཐེ་ཙོམ་དང་མྱ་ངན་གྱི་ཟུག་རྔུས་ཟུག་པར་གྱུར་ནས། བྱང་ཆུབ་སེམས་དཔའ་སེམས་དཔའ་ཆེན
110b6 པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ལ་གླགས་བཙལ་བའི་ཕྱིར་དོང་ཡང་། དེ་ན་བྱང་ཆུབ་སེམས་དཔའི་སྤུའང་མི་གཡོས་ན། ལུས་དང་སེམས་གཞན་དུ་འགྱུར་བ
110b7 ལྟ་ཅི་སྨོས་ཏེ། འཇིགས་ཤིང་སྤུ་ཟིང་ཞེས་བྱེད་པ་དང་བྲལ་བར་འགྱུར། བདུད་སྡིག་ཅན་དུའང་ཤེས་པར་འགྱུར་རོ།། ཤེས་ནས་ཀྱང་བྱིན་གྱིས་རློབ་བོ།། དེས་བདུད་སྡིག
iiif viewer powered by OpenSeadragon
