| e-texts navigator |
| Wylie |
109b1 ཐོས་པ་དེ་ཆོས་ཐམས་ཅད་མཉམ་པ་ཉིད་དང་སྦྱོར་རོ། ། སངས་རྒྱས་ཀྱི་རིགས་དང་། ཐམས་ཅད་མཁྱེན་པའི་རིགས་མི་གཅོད་པར་གནས་པར་འགྱུར་རོ།། སངས་རྒྱས་ཀྱི་ཆོས
109b2 ལ་སྣང་བ་ཐོབ་པར་འགྱུར་རོ། ། ཐམས་ཅད་མཁྱེན་པ་དང་ཉེ་བར་འགྱུར་རོ།། གལ་ཏེ་དེ་ལ་བདུད་སྡིག་ཅན་མཐོ་འཚམ་པའི་ཕྱིར་འོངས་ན། དེས་དེ་དག་གི་སྤོབས་པ་གཅོད་ཅིང
109b3 བདུད་ཀྱི་ཞགས་པ་ཐམས་ཅད་གཅོད་དེ། བདུད་འཁོར་དང་བཅས་པ་ཐམས་ཅད་ཐལ་བར་རློག་གོ།། བདུད་ཀྱི་རིགས་བདུད་བྱེ་བ་ཐམས་ཅད་ཀྱིས་ཀྱང་ཐུལ་བར་མི་འགྱུར་གྱི།
109b4 ངེས་བདུད་རྣམས་འཇིགས་སྐྲག་ནས་འབྲོས་པར་འགྱུར་རོ།། བདུད་སྡིག་ཅན་འདི་སྙམ་དུ། དེ་ནི་བདག་གི་ཡུལ་ལས་རབ་ཏུ་འདས། དེ་ནི་ཕྱིར་བདག་གི་ཡུལ་མི་སྤྱོད། དེའི
109b5 ཕྱིར་བདག་གི་ཡུལ་ལ་མི་གནས། དེའི་ཕྱིར་བདག་གི་ཡུལ་ལ་འདུག་པར་མི་འགྱུར། སེམས་ཅན་གཞན་ཡང་བདག་གི་ཡུལ་ལས་གྲོལ་བར་བྱེད། སྒྲོལ་བར་བྱེད་དོ་སྙམ་དུ
109b6 སེམས་ཏེ། དེ་ལ་བྱང་ཆུབ་སེམས་དཔའ་ངེས་ཕྱོགས་ཉུང་ངུར་བྱེད་དོ་སྙམ་ནས་མྱ་ངན་བྱེད་དེ་ངུ་ཞིང་སྨྲེ་སྔགས་འདོན་ཏོ།། དེ་ཉམས་དམས་ལ་སྡུག་བསྔལ་ཞིང་ཡིད་མི་བདེ
109b7 སྟེ། ཡིད་ལ་གཅགས་པར་འགྱུར་རོ།། རབ་ཀྱི་རྩལ་གྱིས་རྣམ་པར་གནོན་པ། གང་གི་ཚེ་བྱང་ཆུབ་སེམས་དཔའ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤོང། ཤེས་རབ
iiif viewer powered by OpenSeadragon
