| e-texts navigator |
| Wylie |
109a1 ལམ་ངན་པ་ཡོངས་སུ་ཤེས་པས་བསྒོམ་པ་བསྒོམས་པར་འགྱུར་རོ།། ཆོས་རྣམ་པར་དག་པས་བག་ཆགས་བསྒོམས་པར་འགྱུར་རོ།། ཤེས་རབ་རྣམ་པར
109a2 དག་པས་སྦྱང་བ་སྦྱངས་པར་འགྱུར་རོ། ། རྒྱ་མཚོ་དང་མཚུངས་པའི་ཕྱིར་ཤེས་རབ་ཟབ་པར་འགྱུར་རོ།། བག་ཚ་བ་མེད་པས་གཏིང་དཔག་དཀའ་བར་འགྱུར་རོ།། ཆོས་རྒྱ་མཚོ་དཔག་ཏུ
109a3 མེད་པས་དཔག་ཏུ་མེད་པར་འགྱུར་རོ། ། རབ་ཀྱི་རྩལ་གྱིས་རྣམ་པར་གནོན་པ། དེ་ལྟར་སྤྱོད་པའི་བྱང་ཆུབ་སེམས་དཔའ་ནི། ཡོན་ཏན་དེ་རྣམས་དང་གཞན་དག་དང་ཡང་ལྡན་པ་ཡིན
109a4 ཏེ། དེ་དག་གི་ཡོན་ཏན་ནི་རྟོག་པར་མི་ནུས་སོ།། རབ་ཀྱི་རྩལ་གྱིས་རྣམ་པར་གནོན་པ། གཞན་ཡང་བྱང་ཆུབ་སེམས་དཔའ་དེ་ལྟར་ཤེས་རབ་ཀྱི་ཕ་རོལ་ཏུ་ཕྱིན་པ་ལ
109a5 སྤྱོད་པ་ནི། གཟུགས་དང་མི་ལྡན་པར་མི་འགྱུར། ལོངས་སྤྱོད་དང་མི་ལྡན་པར་མི་འགྱུར། གཡོག་དང་མི་ལྡན་པོར་མི་འགྱུར། རུས་དང་མི་ལྡན་པར་མི་འགྱུར། རིགས
109a6 དང་མི་ལྡན་པར་མི་འགྱུར། ཡུལ་དང་མི་ལྡན་པར་མི་འགྱུར། མཐའ་འཁོབ་ཀྱི་ཡུལ་དུ་སྐྱེ་བར་མི་འགྱུར། མི་ངལ་བར་རྙེད་པར་མི་འགྱུར། སེམས་ཅན་ཡོངས་སུ་མ་ངག
109a7 པ་ལས་ཀྱི་མཐའ་ཡོངས་སུ་མ་དག་པ་རྣམས་དང་འདུལ་བར་མི་འགྱུར། རང་གི་སེམས་མི་འདོར། ཤེས་རབ་ཉམས་པར་མི་འགྱུར་ཏེ། དེ་ཆོས་གང་ཕ་རོལ་ལས
iiif viewer powered by OpenSeadragon
