| e-texts navigator |
| Wylie |
108b1 ལ་སྙིང་བརྩེ་བར་འགྱུར་རོ། ། ཆོས་ལ་མིག་རྣམ་པར་དག་པར་འགྱུར་རོ།། ལེ་ལོ་མེད་ཅིང་བརྩོན་འགྲུས་ཕུན་སུམ་ཚོགས་པར་འགྱུར་རོ།། གནོད་སེམས་ཀྱི་སེམས་མེད་པས
108b2 བཟོད་པ་ཐོབ་པར་འགྱུར་རོ། ། མི་གནས་པའི་བསམ་གཏན་པས་བསམ་གཏན་པར་འགྱུར་རོ།། ངེས་པར་རྟོགས་པའི་ཤེས་རབ་དང་ལྡན་པས་ཤེས་རབ་ཐོབ་པར་འགྱུར་རོ།།
108b3 སྒྲིབ་པ་མེད་ཅིང་འགྱོད་པ་དང་བྲལ་བར་འགྱུར་རོ།། བདུད་ཀྱི་ཞགས་པ་ཐམས་ཅད་དང་བྲལ་བར་འགྱུར་རོ།། སྲེད་པའི་དྲ་བ་ཐམས་ཅད་དང་བྲལ་བས་བཅིངས་པ་བཅད་པར་འགྱུར།
108b4 རོ།། བརྗེད་པ་མེད་པར་དྲན་པ་ཉེ་བར་གནས་པར་འགྱུར་རོ།། ཚུལ་ཁྲིམས་ཡོངས་སུ་དག་པའི་ཕ་རོལ་ཏུ་ཕྱིན་པ་ཐོབ་པས་ཚུལ་ཁྲིམས་རྣམ་པར་དག་པར་འགྱུར་རོ།། སྐྱོན་ཐམས
108b5 ཅད་བསལ་བས་ཡོན་ཏན་ལ་གནས་པར་འགྱུར་རོ། ། རབ་ཏུ་གཡོ་བ་མེད་པས་ཤེས་རབ་ཀྱི་སྟོབས་བསྐྱེད་པ་རྙེད་པར་འགྱུར་རོ།། ཕས་ཀྱི་རྒོལ་བ་ཐམས་ཅད་ཀྱིས་མི་བརྫི་བར་འགྱུར
108b6 ཆོས་ཐམས་ཅད་རྣམ་པར་དག་པའི་ཕ་རོལ་ཏུ་ཕྱིན་པ་ཐོབ་པས་ཆོས་ཡོངས་སུ་མི་ཉམས་པར་འགྱུར་རོ། ། ཆོས་སྟོན་པ་ལ་བག་ཚ་བ་མེད་པར་འགྱུར་རོ།། འཁོར་གྱི་ནང
108b7 དུ་འགྲོ་བ་ལ་སྤ་འགོང་བ་མེད་པར་འགྱུར་རོ། ། ཆོས་ཀྱི་སྦྱིན་པ་ལ་འཛིན་པ་མེད་ཅིང་ལྷུག་པར་གཏོང་བར་འགྱུར་རོ།། ལམ་མཉམ་པས་ལམ་རྣམ་པར་སྦྱངས་པར་འགྱུར་རོ།།
iiif viewer powered by OpenSeadragon
