| e-texts navigator |
| Wylie |
108a1 ལའང་རྟོག་པར་ཡང་མི་བྱེད། མི་རྟོག་པར་ཡང་མི་བྱེད། རབ་ཀྱི་རྩལ་གྱིས་རྣམ་པར་གནོན་པ། འདི་ནི་བྱང་ཆུབ་སེམས་དཔའ་ཤེས་རབ་ཀྱི་ཕ་རོལ་ཏུ
108a2 ཕྱིན་པ་ལ་སྤྱོད་པས་རྟོག་པ་དང་མི་རྟོག་པ་ཐམས་ཅད་ཡོངས་སུ་ཤེས་པའོ། ། རབ་ཀྱི་རྩལ་གྱིས་རྣམ་པར་གནོན་པ། དེ་ལྟར་སྤྱོད་པའི་བྱང་ཆུབ་སེམས་དཔའི་ཤེས་རབ་ཀྱི་ཕ་རོལ
108a3 ཏུ་ཕྱིན་པ་བསྒོམ་པ་ཡོངས་སུ་རྫོགས་པར་འགྱུར་ཏེ། དེ་ལ་བདུད་སྡིག་ཅན་དང་། བདུད་ཀྱི་འཁོར་རྣམས་བར་ཆད་བྱ་བའི་ཕྱིར་གནས་པར་མི་འགྱུར་རོ།། བདུད་ཀྱི་ལས་བྱུང
108a4 ཞིང་སྐྱེས་པ་རྣམས་ཀྱང་ཁོང་དུ་ཆུད་པར་འགྱུར་རོ། ། བདུད་ཀྱི་ལས་བྱུང་ཞིང་སྐྱེས་པ་རྣམས་ཀྱི་དབང་དུ་འགྲོ་བར་མི་འགྱུར་རོ།། བདུད་སྡིག་ཅན་ཕམ་པར་བྱེད་དོ།། སྤ་འགོང་པ
108a5 དང་དེའི་ཕྱོགས་ཉུང་བར་བྱེད་དོ། ། འཇིགས་པ་དང་སྐྲག་པ་མེད་པར་འགྱུར་རོ།། བདུད་ཀྱིས་མི་ཐུལ་བར་འགྱུར་རོ།། དེའི་ངན་སོང་དུ་འགྲོ་བ་ཐམས་ཅད་རྒྱུན་ཆད་པར་འགྱུར་རོ།།
108a6 དེས་ལམ་ངན་པ་བཀག་པར་འགྱུར་རོ།། ཆུ་བོ་ཐམས་ཅད་ལས་བརྒལ་བར་འགྱུར་རོ།། གཏི་མུག་གི་མུན་པ་དང་བྲལ་བར་འགྱུར་རོ།། མིག་ཐོབ་པས་སེམས་ཅན་ཐམས་ཅད་ལ
108a7 སྣང་བར་འགྱུར་རོ། ། སངས་རྒྱས་ཀྱི་རིགས་རྒྱུན་མི་གཅོད་པར་གནས་པར་འགྱུར་རོ།། ལམ་མཉམ་པ་ཉིད་ཀྱི་ཕྱིར་ལམ་རྒྱུན་གཅད་པར་འགྱུར་རོ།། སེམས་ཅན་ཐམས་ཅད
iiif viewer powered by OpenSeadragon
