| e-texts navigator |
| Wylie |
107a1 རྟོག་པར་ཡང་མི་བྱེད། མཚན་ཡོངས་སུ་དག་པ་ལ་རྟོག་པར་ཡང་མི་བྱེད། མི་རྟོག་པར་ཡང་མི་བྱེད། སངས་རྒྱས་ཀྱི་ཞིང་ཡོངས་སུ་དག་པ་ལ་རྟོག་པར་ཡང་མི
107a2 བྱེད། མི་རྟོག་པར་ཡང་མི་བྱེད། ཉན་ཐོས་ཕུན་སུམ་ཚོགས་པ་ལ་རྟོག་པར་ཡང་མི་བྱེད། མི་རྟོག་པར་ཡང་མི་བྱེད། རང་སངས་རྒྱས་ཕུན་སུམ་ཚོགས་པ་ལ་རྟོག་པར་ཡང་མི
107a3 བྱེད། མི་རྟོག་པར་ཡང་མི་བྱེད། བྱང་ཆུབ་སེམས་དཔའ་ཕུན་སུམ་ཚོགས་པ་ལ་རྟོག་པར་ཡང་མི་བྱེད། མི་རྟོག་པར་ཡང་མི་བྱེད་དོ།། དེ་ཅིའི་ཕྱིར་ཞེ་ན། རབ་ཀྱི་རྩལ
107a4 གྱིས་རྣམ་པར་གནོན་པ། རྟོག་པ་ཡོད་ན་རྟོག་པ་དང་བྲལ་བར་འགྱུར་བའི་ཕྱིར་རོ།། རབ་ཀྱི་རྩལ་གྱིས་རྣམ་པར་གནོན་པ། གང་ན་རྟོག་པ་མེད་པ་དེ་ན་མི་རྟོག་པ་མེད་ངོ་།། རབ་ཀྱི
107a5 རྩལ་གྱིས་རྣམ་པར་གནོན་པ། བྱིས་པ་སོ་སོའི་སྐྱེ་བོ་ཐམས་ཅད་ནི་རྟོག་པ་ལས་བྱུང་སྟེ། དེ་དག་གི་འདུ་ཤེས་ནི་ལོག་པར་རྟོག་པ་ལས་བྱུང་བས། དེ་དག་རྟོག་པར་ཡང་བྱེད། མི
107a6 རྟོག་པར་ཡང་མི་བྱེད། རབ་ཀྱི་རྩལ་གྱིས་རྣམ་པར་གནོན་པ། རྟོག་ཅེས་བྱ་བ་དེ་ནི་མཐའ་གཅིག་གོ། མི་རྟོག་ཅེས་བྱ་བ་དེ་ནི་མཐའ་གཉིས་ཏེ། གང་ན་རྟོག་པ་དང་མི་རྟོག་པ་མེད
107a7 པ་དེ་ན་མཐའ་དང་དབུས་མེད་དོ། ། རབ་ཀྱི་རྩལ་གྱིས་རྣམ་པར་གནོན་པ། དབུས་ཤེས་བྱ་བར་རྟོག་ན། དེ་ཉིད་ཀྱང་མཐའ་ཡིན་ནོ།། ཇི་སྲིད་དུ་རྟོག་པ་དེ་སྲིད་དུ་མི་རྟོག་པ་སྟེ།
iiif viewer powered by OpenSeadragon
