| e-texts navigator |
| Wylie |
101b1 རྫོགས་པར་བྱེད་ན། རབ་འབྱོར་རྣམ་གྲངས་དེས་ཤིན་ཏུ་འཕྱི་སྟེ་སྤོབས་པ་སྐྱེ་བར་འགྱུར་རོ།། དེ་ནི་བྱང་ཆུབ་སེམས་དཔའ་སེམས་དཔའ་ཆེན་པོས་བདུད་ཀྱི་ལས་སུ་རིག་པར་བྱའོ།།
101b2 རབ་འབྱོར་གཞན་ཡང་ཤིན་ཏུ་མྱུར་བར་སྤོབས་པ་སྐྱེ་ན། དེ་ནི་བྱང་ཆུབ་སེམས་དཔའ་སེམས་དཔའ་ཆེན་པོས་བདུད་ཀྱི་ལས་སུ་རིག་པར་བྱའོ།། གསོལ་པ། བཅོམ་ལྡན་འདས་ཅིའི་སླད་དུ
101b3 ཤིན་ཏུ་སྦྱར་བར་སྤོབས་པ་སྐྱེ་བར་འགྱུར། ད་ནི་ཅིའི་སླད་དུ་བྱང་ཆུབ་སེམས་དཔའ་སེམས་དཔའ་ཆེན་པོས་བདུད་ཀྱི་ལས་སུ་རིག་པར་བགྱི། བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར
101b4 འདི་ལ་བྱང་ཆུབ་སེམས་དཔའ་སེམས་དཔའ་ཆེན་པོ་སྦྱིན་པའི་ཕ་རོལ་ཏུ་ཕྱིན་པ་ལ་སྤྱོད་པ་དང་། ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་དང་། བཟོད་པའི་ཕ་རོལ་ཏུ་ཕྱིན་པ་དང་། བརྩོན་འགྲུས་ཀྱི་ཕ
101b5 རོལ་ཏུ་ཕྱིན་པ་དང་། བསམ་གཏན་གྱི་ཕ་རོལ་ཏུ་ཕྱིན་པ་དང་། ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའི་ཚེ། ཐབས་མི་མཁས་པས་ཧ་ཅང་ཡང་མྱུར་བར་སྤོབས་པ་སྐྱེ་ལ། དེས་རློམ་སེམས
101b6 སུ་བྱེད་ན། རབ་འབྱོར་རྣམ་གྲངས་ངེས་སྤོབས་པ་ཧ་ཅང་མྱུར་བར་སྐྱེ་སྟེ། དེ་ནི་བྱང་ཆུབ་སེམས་དཔའ་སེམས་དཔའ་ཆེན་པོས་བདུད་ཀྱི་ལས་སུ་རིག་པར་བྱའོ།། རབ་འབྱོར་གཞན་ཡང་གླལ་ཞིང
101b7 ཤེས་རབ་ཀྱི་ཕ་རོལ་ཏུ་ཕྱིན་པ་འདྲི་ན། དེ་ཡང་བྱང་ཆུབ་སེམས་དཔའ་སེམས་དཔའ་ཆེན་པོས་བདུད་ཀྱི་ལས་སུ་རིག་པར་བྱའོ།། རབ་འབྱོར་གཞན་ཡང་དགོད་ཅིང་འདྲི་ན། དེ་ཡང་བྱང་ཆུབ་སེམས
iiif viewer powered by OpenSeadragon
