| e-texts navigator |
| Wylie |
81a1 པོ་བཞིའང་དེ་བཞིན་གཤེགས་པ་ནི་བདག་ཅག་གིས་སྤྲུལ་པའི་བཀོད་པ་ན་བཞུགས་སོ་སྙམ་དུ་ཤེས། ལྷ་རྣམས་ཀྱི་དབང་པོ་བརྒྱ་བྱིན་ཡང་དེ་བཞིན་གཤེགས་པ་ནི་བདག་གིས
81a2 སྤྲུལ་པའི་བཀོད་པ་ན་བཞུགས་སོ་སྙམ་དུ་ཤེས་པར་འགྱུར་བ་དེ་ལྟ་བུའི་རྫུ་འཕྲུལ་མངོན་པར་འདུ་མཛད་པ་མངོན་པར་མཛད་དོ། ། རྒྱལ་པོའི་ཁབ་ཀྱི་གྲོང་ཁྱེར་ཆེན་པོ་དེ་ན་གཞན་མུ་སྟེགས
81a3 ཅན་དང་། སྤྱོད་པ་པ་དང་། ཀུན་ཏུ་རྒྱུ་དང་། བྲམ་ཟེ་དང་། ཁྱིམ་བདག་གང་དག་གིས་ཐོས་པ་དེ་དག་ནི་ངོ་མཚར་དུ་གྱུར་ནས། འཁོར་གྱི་ཁྱམས་དེར་སོང་སྟེ། དེ་རིང་དགེ་སྦྱོང་གོའུ་ཏ་མ་ལ
81a4 མཐོ་འཚམ་པ་བལྟ་བར་བྱའོ་སྙམ་མོ། ། རྒྱལ་པོའི་ཁབ་ཀྱི་གྲོང་ཁྱེར་ཆེན་པོ་དེ་ན་དད་པའི་དགེ་སློང་དང་། དགེ་སློང་མ་དང་། དགེ་བསྙེན་དང་། དགེ་བསྙེན་མ་གང་དག་འཁོད་པ་དེ་དག་ནི
81a5 འཁོར་གྱི་དཀྱིལ་འཁོར་དེར་དོང་ནས། དེ་རིང་དེ་བཞིན་གཤེགས་པ་ལ་བགམ་པའང་མཉན་པར་བྱ། ཆོ་འཕྲུལ་ཆེན་པོའང་བལྟ་བར་བྱའོ་སྙམ་མོ།། དེ་ནས་སྒྱུ་མ་མཁན
81a6 བཟང་པོས་ང་རྒྱལ་དང་། རྒྱགས་པ་དང་། ཁེངས་པ་ངེས་པར་བཅོམ་ནས། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ།།
81a7 བཅོམ་ལྡན་འདས་རྣམ་པར་མཐོ་བ་ཙམ་པའི་བསམ་པ་ཆེན་པོས་དེ་བཞིན་གཤེགས་པ་འདིར་གཤེགས་སུ་གསོལ་བ་གང་ལགས་པའི་ནོངས་པ་འཆགས་སོ།། བཅོམ་ལྡན་འདས་གཞན་ཡང
iiif viewer powered by OpenSeadragon
