| e-texts navigator |
| Wylie |
78a1 རླུང་གི་དཀྱིལ་འཁོར་ཆུས་འདེབས་ཞེས་བྱ་བ་གང་གིས་ན། སྲེག་པའི་བསྐལ་པའི་ཚེ་ཆར་འབེབས་པར་བྱེད་པ་དང་། རླུང་གི་དཀྱིལ་འཁོར་ལྷག་པར་སྐེམས་ཤེས
78a2 བྱ་བ་གང་གིས་ན། ཆུས་འཇིག་རྟེན་ལྷག་པར་སྐེམས་པར་བྱེད་པ་ཡོད་དོ།། མོའུ་འགལ་གྱི་བུ་ངས་རླུང་གི་དཀྱིལ་འཁོར་ལས་བརྩམས་ཏེ། བསྐལ་པ་འམ། བསྐལ་པ་ལས
78a3 ལྷག་པར་ཆོས་བསྟན་ཀྱང་དེ་བཞིན་གཤེགས་པས་རླུང་གི་དཀྱིལ་འཁོར་ལས་བརྩམས་ཏེ་ཆོས་བསྟན་པ་ལས་མཐའ་ཐུག་པ་མེད་དོ། ། མོའུ་འགལ་གྱི་བུ་འདི་ཇི་སྙམ་དུ་སེམས། སྒྱུ་མ
78a4 མཁན་བཟང་པོས་རླུང་གི་དཀྱིལ་འཁོར་དེ་དག་གི་ནང་དུ་འདུག་པར་ནུས་སམ། གསོལ་པ། མ་ལགས་སོ།། བཅོམ་ལྡན་འདས་ཀྱིས་བཀའ་སྩལ་པ། མོའུ་འགལ་གྱི་བུ་ང་ནི་རླུང་གི
78a5 དཀྱིལ་འཁོར་དེ་དག་ཐམས་ཅད་ཀྱི་ནང་དུ་སྤྱོད་ལམ་བཞིས་གནས་པར་བྱེད་དོ། ། དེ་བཞིན་གཤེགས་པ་ནི་བཞེད་ན་རླུང་གི་དཀྱིལ་འཁོར་ཐམས་ཅད་ཡུངས་འབྲུ་གཅིག་གི་ནང་དུ་འཇོག་པར་མཛད། འཇུག
78a6 པར་མཛད་ལ། ཡུངས་འབྲུ་དེའང་རྣམ་པར་འཇིག་པར་མི་འགྱུར་ཞིང་། ཡུངས་འབྲུ་དེའི་ནང་དུ་རླུང་གི་དཀྱིལ་འཁོར་དེ་དག་ཐམས་ཅད་ཀྱི་བྱ་བ་ཐམས་ཅད་ཀྱང་ཉེ་བར་སྟོན་པར་མཛད་ལ།
78a7 རླུང་དེ་དག་ཕན་ཚུན་ཐུག་པར་ཡང་མི་འགྱུར། ལྟུང་བར་ཡང་མི་འགྱུར་རོ།། མོའུ་འགལ་གྱི་བུ་ང་ནི་སྒྱུ་མའི་ཆོས་ཉིད་དེ་ལྟ་བུ་དང་། དེ་མ་ཡིན་པ་གཞན་ཡང་ཚད་མེད་པ་དང་ལྡན་ནོ།།
iiif viewer powered by OpenSeadragon
