| e-texts navigator |
| Wylie |
77b1 གཤེགས་པ་ནི་བཞེད་ན་འཇིག་རྟེན་གྱི་ཁམས་གངྒཱའི་ཀླུང་གི་བྱེ་མ་སྙེད་བརྒྱན་ཅིང་། དེ་ཐམས་ཅད་ཀྱང་སྐྲའི་རྩེ་མོའི་ཆ་ཤས་ཙམ་ལ་ཀུན་ཏུ་སྟོན་པར་མཛད་ཀྱང་། དེ་བཞིན་གཤེགས་པའི་སྒྱུ་མ་རིལ་གྱིས་བསྟན
77b2 པར་ནི་མི་འགྱུར་རོ། ། མོའུ་འགལ་གྱི་བུ་ཕྱོགས་བཅུ་ན་རླུང་གི་དཀྱིལ་འཁོར་གང་དག་ཡོད་པ་འདི་ལྟ་སྟེ། རླུང་གི་དཀྱིལ་འཁོར་རྣམ་པར་འཐོར་བྱེད་ཅེས་བྱ་བ་དང་། རླུང་གི་དཀྱིལ་འཁོར་ཡོངས་སུ་གཅོད
77b3 བྱེད་ཅེས་བྱ་བ་གང་དག་གིས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་ཡོངས་སུ་གཅོད་པར་བྱེད་ཅིང་། ཡོངས་སུ་བཅད་ནས་ཀྱང་འཇིག་པར་བྱེད་པ་དང་། རླུང་གི་དཀྱིལ་འཁོར་ཀུན་ཏུ་འཐོར
77b4 བྱེད་དང་། རྣམ་པར་འཐོར་བྱེད་ཅེས་བྱ་བ་འཇིག་རྟེན་གྱི་བར་ན་རྒྱུ་བ་གང་དག་ཡིན་པ་དང་། རླུང་གི་དཀྱིལ་འཁོར་ཀུན་ནས་ཡོངས་སུ་འཇོག་པ་ཞེས་བྱ་བ་སྲིད་པའི་རྩེ་མོ་ན་རྒྱུ་བ་གང་དག་ཡིན་པ་དང་།
77b5 རླུང་གི་དཀྱིལ་འཁོར་རྣམ་པར་འཇིག་པ་ཞེས་བྱ་བ་རིའི་རྒྱལ་པོ་རི་རབ་ཀྱང་རྣམ་པར་འཇིག་པར་བྱེད་ན། རི་ཕལ་པ་ལྟ་སྨོས་ཀྱང་ཅི་དགོས་པ་གང་དག་ཡིན་པ་དང་། རླུང་གི་དཀྱིལ་འཁོར་འབར་བྱེད
77b6 ཅེས་བྱ་བ་སྲེག་པའི་བསྐལ་པའི་ཚེ་ལྡང་ཞིང་གང་གིས་ན་མེ་ལྕེ་དེ་དག་ཚངས་པའི་འཇིག་རྟེན་གྱི་བར་འཕེན་པར་བྱེད་པ་དང་། རླུང་གི་དཀྱིལ་འཁོར་རྣམ་པར་སྒྲུབ་བྱེད་ཅེས་བྱ་བ་གང་གིས་སྲེག་པའི་བསྐལ་པའི
77b7 མེ་དེ་ཞི་བར་བྱེད་པ་དང་། རླུང་གི་དཀྱིལ་འཁོར་རབ་ཏུ་ཚིམ་བྱེད་ཅེས་བྱ་བ་གང་གིས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་སྤྲིན་གྱི་དྲ་བ་གཅིག་གིས་ཀུན་ཏུ་ཁེབས་པར་བྱེད་པ་དང་།
iiif viewer powered by OpenSeadragon
