| e-texts navigator |
| Wylie |
77a1 མོའུ་འགལ་གྱི་བུ་གཞན་ཡང་འདོད་ཆགས་ནི་མཐོ་འཚམ་པར་བྱེད་པ་ཡིན། ཞེ་སྡང་ནི་མཐོ་འཚམ་པར་བྱེད་པ་ཡིན། གཏི་མུག་ནི་མཐོ་འཆམ་པར་བྱེད་པ་ཡིན་ན།
77a2 དེ་དག་ནི་དེ་བཞིན་གཤེགས་པ་ཡ་ངགས་ཉལ་བ་དང་བཅས་ཏེ་ཟད་བྲལ་ཡོངས་སུ་གྱུར། གཟོད་མ་ནས་མ་སྐྱེས་པའི་ཆོས་ཅན་ཡིན་ཏེ། དེས་ན་དེ་བཞིན་གཤེགས་པ་ལ་ལྷ་དང་བཅས་པའི་འཇིག
77a3 རྟེན་གྱིས་ཀྱང་མཐོ་འཚམ་པར་མི་ནུས་སོ། ། མོའུ་འགལ་གྱི་བུ་གཞན་ཡང་སྒྱུ་མ་མཁན་བཟང་པོའི་སྒྱུ་མ་ནི་ཕྱོགས་གཅིག་པ་ཡིན་པས། སྒྱུ་མ་ཡང་དག་པ་མ་ཡིན་གྱི། དེ་བཞིན་གཤེགས
77a4 པའི་སྒྱུ་མ་ནི་ཡང་དག་པ་ཡིན་ཏེ། དེས་ན་ཆོས་ཐམས་ཅད་སྒྱུ་མ་ལྟ་བུར་མངོན་པར་རྫོགས་པར་སངས་རྒྱས་སོ།། མོའུ་འགལ་གྱི་བུ་སེམས་ཅན་གྱི་ཁམས་སུ་གདགས་པར་འདོགས་པ་ཇི་སྙེད་པ
77a5 དེ་དག་ཐམས་ཅད་འདི་ལྟ་སྟེ། སྒྱུ་མ་མཁན་བཟང་པོའི་སྒྱུ་མ་འདི་ལྟ་བུ་དང་ལྡན་པར་གྱུར་ཀྱང་། དེ་དག་ཐམས་ཅད་ཀྱིས་དེ་བཞིན་གཤེགས་པའི་སྒྱུ་མ་ལ་བརྒྱའི་ཆར་ཡང་ཉེ་བར་མི་འགྲོ།། སྟོང་གི་ཆར་ཡང
77a6 ཉེ་བར་མི་འགྲོ། ། བྱེ་བ་འབུམ་གྱི་ཆར་ཡང། གྲངས་སུའང་། ཆར་ཡང་། བགྲང་བར་ཡང་། དཔེར་ཡང་ཉེ་བར་མི་འགྲོའོ།། མོའུ་འགལ་གྱི་བུ་འདི་ཇི་སྙམ་དུ་སེམས། སྒྱུ་མ་མཁན་བཟང
77a7 པོས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་རྒྱན་ཐམས་ཅད་ཀྱིས་བརྒྱན་པར་ཀུན་ཏུ་སྟོན་ནུས་སམ། གསོལ་པ། མ་ལགས་སོ།། བཅོམ་ལྡན་འདས་ཀྱིས་བཀའ་སྩལ་པ། དེ་བཞིན
iiif viewer powered by OpenSeadragon
