| e-texts navigator |
| Wylie |
75a1 ཡ་མཚན་གྱི་ཆོས་ལ་བཀོད་དེ། བདེན་པ་མཐོང་བ་རྣམས་དང་། དད་པ་དང་། ཆོས་ཀྱི་རྗེས་སུ་འབྲང་བ་རྣམས་དང་། དགེ་བསྙེན་དང་། དགེ་བསྙེན་མ་རྣམས་ནི་མ
75a2 གཏོགས་སོ། ། དེས་སྒྱུ་མས་རྨོངས་པར་བྱེད་པའི་རིག་པའི་སྟོབས་བསྐྱེད་པས་རྙེད་པ་དང་། བཀུར་སྟི་དང་། ཚིགས་སུ་བཅད་པའང་ལྷག་པར་རྙེད་དོ།། སྒྱུ་མ་མཁན་བཟང
75a3 པོས་བཅོམ་ལྡན་འདས་ཀྱི་གྲགས་པ་དང་། སྙན་པ་དང་། ཚིགས་སུ་བཅད་པ་ལྷག་པར་མངོན་པར་འཕགས་ཏེ། འདི་ལྟར་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས
75a4 རྒྱས་རིག་པ་དང་ཞབས་སུ་ལྡན་པ། བདེ་བར་གཤེགས་པ། འཇིག་རྟེན་མཁྱེན་པ། སྐྱེས་བུ་འདུལ་བའི་ཁ་ལོ་སྒྱུར་བ། བླ་ན་མེད་པ། ལྷ་དང་མི་རྣམས་ཀྱི་སྟོན་པ་སངས་རྒྱས
75a5 བཅོམ་ལྡན་འདས་དེ་ནི་ཐམས་ཅད་མཁྱེན་པ། ཐམས་ཅད་གཟིགས་པ་སྟེ། ཐམས་ཅད་ནི་མཁྱེན། ཐམས་ཅད་ནི་གཟིགས། དེ་བཞིན་གཤེགས་པའི་སྟོབས་བཅུ་དང་ནི་ལྡན
75a6 དེ་བཞིན་གཤེགས་པའི་མི་འཇིགས་པ་བཞི་དང་ནི་ལྡན། སོ་སོ་ཡང་དག་པར་རིག་པ་བཞི་དང་ནི་ལྡན། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་དང་ནི་ལྡན། བྱམས་པ་ཆེན་པོ་དང
75a7 སྙིང་རྗེ་ཆེན་པོ་དང་ནི་ལྡན། སངས་རྒྱས་ཀྱི་སྤྱན་ཉམས་པ་མི་མངའ་བ་དང་ནི་ལྡན། སྤྱན་ལྔ་དང་ནི་ལྡན། ཆོ་འཕྲུལ་ཡང་བརྙེས་ཏེ། ཀུན་རྗོད་པའི་ཆོ་འཕྲུལ་ནི་བརྙེས། རྗེས་སུ
iiif viewer powered by OpenSeadragon
