| e-texts navigator |
| Wylie |
47a1 ལ་ཡོད་པའི་ཡོན་ཏན་རྣམས་ནི་རབ་ཏུ་བྱུང་བའི་བྱང་ཆུབ་སེམས་དཔའ་སྟོང་ལའང་མེད་དོ། ། དེ་ནས་བཅོམ་ལྡན་འདས་ལ། ཚེ་དང་ལྡན་པ་ཀུན་དགའ་བོས་འདི
47a2 སྐད་ཅེས་གསོལ་ཏོ། ། བཅོམ་ལྡན་འདས་ཆོས་ཀྱི་རྣམ་གྲངས་འདིའི་མིང་ཅི་ལགས། འདི་ཇི་ལྟར་གཟུང་བར་བགྱི། བཅོམ་ལྡན་འདས་ཀྱིས་བཀའ་སྩལ་པ། ཀུན་དགའ་བོ་དེའི་ཕྱིར་ཆོས་ཀྱི་རྣམ
47a3 གྲངས་འདི་དྲག་ཤུལ་ཅན་གྱིས་ཞུས་པ་ཞེས་བྱ་བར་ཟུང་ཞིག། ཁྱིམ་པ་དང་རབ་ཏུ་བྱུང་བའི་བསླབ་པ་ལ་བསྒྲུབ་པ་ཞེས་བྱ་བར་ཡང་ཟུང་ཞིག། ལྷག་པའི་བསམ་པས་བླ་མ་ལ་བསྙེན་བཀུར་བྱ་བའི
47a4 ལེའུ་ཞེས་བྱ་བར་ཡང་ཟུང་ཞིག། ཀུན་དགའ་བོ་ཆོས་ཀྱི་རྣམ་གྲངས་འདི་ཐོས་མ་ཐག་ཏུ་བྱང་ཆུབ་སེམས་དཔའ་ཡོན་ཏན་དང་། བརྩོན་འགྲུས་དང་། ཆོས་མང་པོ་རབ་ཏུ་འཐོབ་སྟེ། བརྩོན་འགྲུས
47a5 ཞན་པས་བསྐལ་པ་བརྒྱར་ཚངས་པར་སྤྱད་པ་ལ་གནས་པས་ནི་དེ་ལྟར་མ་ཡིན་ནོ། ། ཀུན་དགའ་བོ་དེ་བས་ན་བདག་ཀྱང་འདི་ལ་བརྩོན་འགྲུས་བསྐྱེད་པར་འདོད་པ་དང་། གཞན་ཡང་བརྩོན་འགྲུས
47a6 ལ་གཟུད་པར་འདོད་པ་དང་། བདག་ཀྱང་ཡོན་ཏན་གྱི་ཆོས་མཉམ་པ་ཉིད་ཐམས་ཅད་ལ་གནས་པར་འདོད་པ་དང་། གཞན་ཡང་ཡོན་ཏན་གྱི་ཆོས་མཉམ་པ་ཉིད་ཐམས་ཅད་ལ་དགོད་པར་འདོད་པས
47a7 ཆོས་ཀྱི་རྣམ་གྲངས་འདི་མཉན་པར་བྱ། ། ཀུན་ཆུབ་པར་བྱ། བཀླག་པར་བྱ། གཞན་དག་ལའང་རྒྱ་ཆེར་ཡང་དག་པར་རབ་ཏུ་བསྟན་པར་བྱའོ།། ཀུན་དགའ་བོ་ངས་ཆོས་ཀྱི་རྣམ་གྲངས་འདི་ཡང་དང
iiif viewer powered by OpenSeadragon
