| e-texts navigator |
| Wylie |
46b1 འབྱུང་བའི་དེ་བཞིན་གཤེགས་པ་དེ་དག་ཐམས་ཅན་ལ་རིམ་གྲོ་བྱེད་པར་འགྱུར་རོ། ། སྟི་སྟང་དང་མཆོད་པ་ཐམས་ཅད་ཀྱིས་མཆོད་པར་འགྱུར་རོ།། དམ་པའི་ཆོས་ཀྱང་འཛིན་པར་འགྱུར
46b2 རོ། ། རྟག་ཏུའང་ཁྱིམ་བདག་ཏུ་གྱུར་ནས་རབ་ཏུ་བྱུང་བའི་བསླབ་པ་ལ་གནས་སོ།། དེ་བཞིན་གཤེགས་པའི་བྱང་ཆུབ་དེའང་རྒྱས་པར་བྱེད་པར་འགྱུར་རོ།། དེ་ནས་ཚེ
46b3 དང་ལྡན་པ་ཀུན་དགའ་བོས། ཁྱིམ་བདག་དྲག་ཤུལ་ཅན་ལ་འདི་སྐད་ཅེས་སྨྲས་སོ།། ཁྱིམ་བདག་རྒྱུ་གང་དང་རྐྱེན་གང་གིས་གང་ཁྱིམ་ན་གནས་ཤིང་རྡུལ་ལ་གནས་པ་ལ་དགའ་བར་བྱེད། དྲག
46b4 ཤུལ་ཅན་གྱིས་སྨྲས་པ། བཙུན་པ་ཀུན་དགའ་བོ་རྡུལ་ནི་རྡུལ་ཅུང་ཟད་ཀྱང་མེད་དེ། སྙིང་རྗེ་ཆེན་པོ་དང་ལྡན་པས་བདག་ལ་བདེ་བ་ལ་མི་རེ་བ་ཡིན་ནོ།། བཙུན་པ་ཀུན་དགའ་བོ་བྱང་ཆུབ་སེམ
46b5 དཔའ་ནི་སྡུག་བསྔལ་ཐམས་ཅད་ཀྱིས་གཟིར་ཀྱང་བཟོད་དེ། སེམས་ཅན་རྣམས་ཡོངས་སུ་མི་གཏོང་ངོ་།། དེ་སྐད་ཅེས་སྤྲས་པ་དང་། བཅོམ་ལྡན་འདས་ཀྱིས། ཚེ་དང་ལྡན་པ་ཀུན་དགའ་བོ་ལ
46b6 འདི་སྐད་ཅེས་བཀའ་སྩལ་ཏོ། ། ཀུན་དགའ་བོ་ཁྱིམ་བདག་དྲག་ཤུལ་ཅན་འདི་ཁྱིམ་གྱི་ས་ལ་གནས་ནས། བསྐུལ་པ་བཟང་པོ་འདི་ལ་སེམས་ཅན་རབ་ཏུ་མང་པོ་ཡོངས་སུ་སྨིན་པར་བྱེད་པར
46b7 འགྱུར་ཏེ། རབ་ཏུ་བྱུང་བའི་བྱང་ཆུབ་སེམས་དཔའ་ནི་བསྐལ་པ་སྟོང་ངམ། བསྐལ་པ་བརྒྱ་སྟོང་དུའང་དེ་ལྟར་མི་ནུས་སོ།། དེ་ཅིའི་ཕྱིར་ཞེ་ན། ཀུན་དགའ་བོ་འདི་ལྟར་ཁྱིམ་བདག་འདི
iiif viewer powered by OpenSeadragon
