| e-texts navigator |
| Wylie |
45b1 ཁྱིམ་པ་ཁྱིམ་ན་གནས་པ་ཡང་དག་པ་སྐྱོན་མེད་པ་ལ་མི་རེག་ཅིང་ཁྱིམ་སྟོང་པར་ཞུགས་ནས། ཐབས་ཀྱིས་མངོན་པར་བསྒྲུབ་པ་བསམ་གཏན་བཞི་པོ་དག་ལ་སྙོམས་པར་འཇུག་པ་དང་། ཁྱིམ
45b2 བདག་བཞན་ཡང་བྱང་ཆུབ་སེམས་དཔའ་ཁྱིམ་པ་ཁྱིམ་ན་གནས་པ་སེམས་ཅན་ཐམས་ཅད་བདེ་བར་བྱེད་པ་ལ་བརྩོན་པ། ཤེས་རབ་ཀྱི་ཕ་རོལ་ཏུ་ཕྱིན་པས་ངེས་པར་འབྱུང་བར་བརྩོན
45b3 འགྲུས་རྩོམ་པ་དང་། ཁྱིམ་བདག་གཞན་ཡང་བྱང་ཆུབ་སེམས་དཔའ་ཁྱིམ་པ་ཁྱིམ་ན་གནས་པ་བདག་ཀྱང་དམ་པའི་ཆོས་ཡོངས་སུ་འཛིན་ཅིང་གཞན་ཡང་དམ་པའི་ཆོས་ལ་སྦྱོར་བར་བྱེད
45b4 པ་སྟེ། ཁྱིམ་བདག་བྱང་ཆུབ་སེམས་དཔའ་ཁྱིམ་པ་ཁྱིམ་ན་གནས་པ་ཆོས་ལྔ་པོ་དེ་དག་དང་ལྡན་ན་རབ་ཏུ་བྱུང་བའི་བསླབ་པ་ལ་སློབ་པ་ཡིན་ནོ།། དེ་ནས་བཅོམ་ལྡན་འདས་ལ། ཁྱིམ་བདག་དྲག་ཤུལ
45b5 ཅན་གྱིས་འདི་སྐད་ཅེས་གསོལ་ཏོ། ། བཅོམ་ལྡན་འདས་བདག་དེ་བཞིན་གཤེགས་པ་རྣམས་ཀྱི་བཀའ་བཞིན་དུ་བགྱི་བར་འཚལ་ལོ།། རབ་ཏུ་བྱུང་བའི་བསླབ་པ་ལ་སློབ་བོ།། ཆོས་མཉམ
45b6 པ་ཉིད་འདི་ལྟ་བུ་ལའང་འཇུག་པར་བགྱིའོ། ། དེ་ནས་དེའི་ཚེ་བཅོམ་ལྡན་འདས་འཛུམ་པ་མཛད་དོ།། འདི་ནི་སངས་རྒྱས་བཅོམ་ལྡན་འདས་རྣམས་གང་གི་ཚེ་འཛུམ་པ་མཛད་པའི
45b7 ཆོས་ཉིད་དེ། དེའི་ཚེ་བཅོམ་ལྡན་འདས་ཀྱི་ཞལ་གྱི་སྒོ་ནས་འོད་འཕྲོབ་ཁ་དོག་དུ་མ་ཁ་དོག་སྣ་ཚོགས་བྱུང་བ་འདི་ལྟ་སྟེ། སྔོན་པོ་དང་། སེར་པོ་དང་། དམར་པོ་དང་། དཀར་པོ་དང་། ལེ་བརྒན་དང་།
iiif viewer powered by OpenSeadragon
