| e-texts navigator |
| Wylie |
42b1 བས་རྙེད་པ་དང་། བཀུར་སྟི་དང་། ཚིགས་སུ་བཅད་པ་ཐམས་ཅད་དོན་དུ་མི་གཉེར་བར་བྱའོ།། ཁྱིམ་བདག་གལ་ཏེ་བྱང་ཆུབ་སེམས་དཔའ་ལུང་མནོད་པ་དང་ཁ་ཏོན་བྱ་བ་དོན་དུ་གཉེར་བས་གཞན་དག
42b2 ལ་ཚིག་བཞི་པའི་ཚིགས་སུ་བཅད་པ་ཙམ་མམ། སྦྱིན་པ་དང་། ཚུལ་ཁྲིམས་དང་། བཟོད་པ་དང་། བརྩོན་འགྲུས་དང་། བསམ་གཏན་དང་། ཤེས་རབ་དང་ལྡན་པ་འམ། བྱང་ཆུབ་སེམས་དཔའ་ལམ
42b3 གྱི་ཚོགས་སོགས་པ་དང་ལྡན་པའི་ཚིག་བཞི་པའི་ཚིགས་སུ་བཅད་པ་སུ་ལས་མཉན་ཏམ། ལུང་མནོས་སམ། བླངས་པའི་སློབ་དཔོན་དེ་ལ་དེས་ཆོས་ཀྱིས་གུས་པར་བྱའོ།། མིང་དང་། ཚིག་དང་། ཡི་གེ་ཇི་སྟེ
42b4 ཀྱིས་ཚིགས་སུ་བཅད་པ་བསྟན་པ་དེ་སྙེད་ཀྱི་བསྐལ་པར་གལ་ཏེ་སློབ་དཔོན་དེ་ལ་གཡོ་མེད་པར་རྙེད་པ་དང་། བཀུར་སྟི་དང་། མཆོད་པ་ཐམས་ཅད་ཀྱིས་རིམ་གྲོ་དང་བསྙེན་བཀུར་བྱས་ཀྱང་། ཁྱིམ་བདག
42b5 དདུང་དུ་སློབ་དཔོན་ལ་སློབ་དཔོན་དུ་གུས་པར་བྱ་བ་རྫོགས་པ་མ་ཡིན་ན་ཆོས་མ་ཡིན་པའི་གུས་པས་ལྟ་ཅི་སྨོས། ཁྱིམ་བདག་དད་པའི་མཉན་ཅིང་བསྒོམ་པ་དང་ཁ་ཏོན་ལ་འཇུག་པ་དེའི་སེམས་དང་སེམས
42b6 ལས་བྱུང་བ་དགེ་བ་དང་ལྡན་པ་འམ། སངས་རྒྱས་དང་ལྡན་པ་འམ། ཆོས་དང་ལྡན་པ་འམ། དགེ་འདུན་དང་ལྡན་པ་འམ། སྐྱོ་ཞིང་འདོད་ཆགས་བྲལ་བ་དང་ལྡན་པ་འམ། བྱང་བ་དང་། དུལ་བ
42b7 དང་ཞི་བ་དང་ལྡན་པའི་འཇུག་པ་ཇི་སྙེད་པ་གལ་ཏེ་དེ་སྙེད་ཀྱི་བསྐལ་པར་སློབ་དཔོན་ལ་བསྙེན་བཀུར་བྱས་སུ་ཟིན་ཀྱང་། ཁྱིམ་བདག་ད་དུང་སློབ་དཔོན་དུ་རི་མོ་བྱ་བ་རྫོགས་པ་མ་ཡིན་ནོ།། ཁྱིམ་བདག
iiif viewer powered by OpenSeadragon
