| e-texts navigator |
| Wylie |
42a1 དགུ་དང་བཅས་པ། ལྷ་དང་། མི་དང་། ལྷ་མ་ཡིན་དུ་བཅས་པས་མཆོད་པ། སྦྱིན་གནས་སུ་གྱུར་པ་དེའང་སེམས་ཅན་ཐམས་ཅད་ལ་གང་ལས་ཀྱང་རིམ་གྲོར་བྱ་བ
42a2 བདག་གིར་མི་མཛད་ན། བདག་ཅག་མ་བསླབས་པ་སློབ་འདོད་པ་རྣམས་ལྟ་ཅི་སྨོས་ཏེ། བདག་གིས་ནི་སེམས་ཅན་ཐམས་ཅད་ལ་བསྙེན་བཀུར་བྱའི། གང་ལས་ཀྱང་བསྙེན་བཀུར་བྱ་བ་བདག་གིར་ནི
42a3 མི་བྱའོ་སྙམ་དུ་བརྟག་པར་བྱའོ། ། དེ་ཅིའི་ཕྱིར་ཞེ་ན། ཁྱིམ་བདག་དགེ་སློང་བསྙེན་བཀུར་ལ་གདུ་བ་ནི་ཡོན་ཏན་གྱི་ཆོས་རྗེས་སུ་བཟུང་བ་ཆུད་གསོན་པ་ཡིན་ཏེ། དེས་གང་དག་སྡུད་པ་དེ་དག་ཀྱང་འདི་སྙམ
42a4 དུསེམས་ཏེ། བདག་ཅག་ནི་བསྙེན་བཀུར་གྱི་ཕྱིར་སྡུད་ཀྱི། ཆོས་ཀྱི་ཕྱིར་མ་ཡིན་ནོ་སྙམ་སྟེ། དེ་དག་ཉིད་ཀྱི་དད་པ་ཆུད་གསོན་ཏོ།། གང་དག་དེ་ལ་བསྙེན་བཀུར་བྱེད་པ། འཇིག་རྟེན་གྱི་ཟང་ཟིང་དང་ལྡན་པ
42a5 དེ་དག་གིའང་དོན་ཆེན་པོར་མི་འགྱུར་རོ། ། འབྲས་བུ་ཆེན་པོར་འགྱུར་ཏེ། དེ་སློབ་དཔོན་དང་མཁན་པོའི་གན་དུ་འགྲོ་ནའང་སློབ་དཔོན་དང་། མཁན་པོས་མ་དད་པའི་བག་གང་ཡང་རུང་བ་ཞིག་ལས་བརྟགས
42a6 ནས། བདག་ལ་ལུང་དབོག་པ་དང་། ཁ་ཏོན་བྱ་བ་དང་། རྗེས་སུ་བསྟན་པས་ཕན་འདོགས་པར་མི་འགྱུར་དུ་འོང་ཞེས་ལུས་དང་སེམས་ལས་སུ་རུང་བ་དང་། སེམས་ཅད་ཤེས་པས་འགྲོ་བར་བྱའོ།།
42a7 དེས་ལུང་མནོད་པ་དང་ཁ་ཏོན་གྱི་ཕྱིར་ལུས་དང་སྲོག་ལའང་མི་བལྟ་བར་བྱའོ།། ཆོས་འདོད་པས་སློབ་དཔོན་དང་མཁན་པོ་རྣམས་ཀྱི་བསམ་པ་ཡོངས་སུ་རྫོགས་པར་བྱའོ།། ཡོན་ཏན་དོན་དུ་གཉེར
iiif viewer powered by OpenSeadragon
