| e-texts navigator |
| Wylie |
41b1 མངོན་པར་ཤེས་པ་ལྔ་པོ་དག་ཐོབ་པ་ཡིན་ཏེ། དེས་ལྷ་དང་། ཀླུ་དང་། གནོད་སྦྱིན་དང་། དྲི་ཟ་རྣམས་ཡོངས་སུ་སྨིན་པར་བྱ་བའི་ཕྱིར་དགོན་པ་ལ་གནས་པར་བྱའོ།། ཁྱིམ་བདག་གཞན་ཡང་བྱུང་ཆུབ
41b2 སེམས་དཔའ་རབ་ཏུ་བྱུང་བས་སངས་རྒྱས་ཀྱིས་དགོན་པ་ལ་གནས་པར་བཀའ་སྩལ་པར་ཤེས་ནས་དགོན་པ་ལ་གནས་པར་བྱ་སྟེ། དེར་དགེ་བའི་ཆོས་ཐམས་ཅད་ཡོངས་སུ་རྫོགས་པར་འགྱུར་རོ།།
41b3 དགེ་བའི་རྩ་བས་ཉེ་བར་བརྟེན་ནས་ཕྱིས་གྲོང་དང་། གྲོང་ཁྱེར་དང་། གྲོང་རྡལ་དང་། ལྗོངས་དང་། ཡུལ་འཁོར་དང་། ཕོ་བྲང་འཁོར་དག་ཏུ་ཞུགས་ཏེ་ཆོས་བསྟན་པར་བྱའོ།། ཁྱིམ་བདག་བྱང་ཆུབ
41b4 སེམས་དཔའ་རབ་ཏུ་བྱུང་བ་ཆོས་བཞི་པོ་དེ་དག་དང་ལྡན་ན། དགོན་པ་ལ་གནས་པར་གནང་ངོ་།། ཁྱིམ་བདག་གལ་ཏེ་བྱང་ཆུབ་སེམས་དཔའ་རབ་ཏུ་བྱུང་བ་ལུང་དང་ཁ་ཏོན་མནོད་པའི
41b5 ཕྱིར་ཚོགས་ཀྱི་ནང་དུ་འཇུག་ན། དེས་དེར་གུས་པ་དང་བཅས་པར་བྱ་སྟེ། སློབ་དཔོན་དང་། མཁན་པོ་རྣམས་དང་། གནས་བརྟན་དང་། བར་མ་དང་། དགེ་སློང་གསར་བུ་རྣམས་ལ་ཞེ་ས་དང
41b6 བཅས་པར་བྱ། ། ཚུལ་མཁས་པར་བྱའོ།། སྙོམ་ལས་མེད་པར་རང་གིས་བྱ་བ་དང་། གཞན་ལ་གདུང་བ་མེད་པར་བྱའོ།། དེས་བསྙེན་བཀུར་ལ་གདུ་བར་མི་བྱའོ།། དེས་འདི་ལྟར་དེ་བཞིན།།
41b7 ཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ལྷ་དང་བཅས་པའི་འཇིག་རྟེན་དང་། བདུད་དང་བཅས་པ་དང་། ཚངས་པ་དང་བཅས་པ་དང་། དགེ་སྦྱོང་དང་བྲམ་ཟེའི་སྐྱེ
iiif viewer powered by OpenSeadragon
