| e-texts navigator |
| Wylie |
41a1 བདག་ཇི་ལྟར་ན་བྱང་ཆུབ་སེམས་དཔའ་རབ་ཏུ་བྱུང་བ་དགོན་པ་ལ་གནས་པའི་ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པ་ཡོངས་སུ་རྫོགས་པར་འགྱུར་ཞེ་ན། ཁྱིམ
41a2 བདག་གང་བྱང་ཆུབ་སེམས་དཔའ་རབ་ཏུ་བྱུང་བ་ནི་འདི་ལ་ལུས་ཇི་ལྟ་བ་དགོན་པའང་དེ་བཞིན་ནོ། ། ལུས་ཇི་ལྟ་བ་བྱང་ཆུབ་ཀྱང་དེ་བཞིན་ནོ་སྙམ་དུ་སློབ་ཅིང་དེ་བཞིན་ཉིད་ཀྱིས་མི་རྟོག་རྣམ་པར
41a3 མི་རྟོག་སྟེ། དེ་ལྟར་དགོན་པ་ལ་གནས་པ་དེའི་ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པ་ཡོངས་སུ་རྫོགས་པར་འགྱུར་རོ།། ཁྱིམ་བདག་དེ་ལྟར་ན་བྱང་ཆུབ་སེམས་དཔའ་རབ་ཏུ་བྱུང་བ་དགོན་པ་ལ་གནས
41a4 པ་ཚེགས་ཆུང་ངུས་ཕ་རོལ་དུ་ཕྱིན་པ་དྲུག་བསྒོམ་པ་ཡོངས་སུ་རྫོགས་པར་འགྱུར་རོ། ། ཁྱིམ་བདག་བྱང་ཆུབ་སེམས་དཔའ་རབ་ཏུ་བྱུང་བ་ཆོས་བཞི་དང་ལྡན་ན། དགོན་པ་ལ་གནས
41a5 པར་གནང་བ་ཡིན་ནོ། ། བཞི་གང་ཞེ་ན། ཁྱིམ་བདག་འདི་ལ་བྱང་ཆུབ་སེམས་དཔའ་རབ་ཏུ་བྱུང་བ་མང་དུ་ཐོས་པ་ཡིན་ཏེ། ཐོས་པ་འཛིན་པ་ཆོས་རྣམ་པར་ངེས་པ་ལ་མཁས་པ་ཚུལ་བཞིན་ཡིད་ལ་བྱེད
41a6 པ་ལ་བརྩོན་ཞིང་ཆོས་དང་ཆོས་ཀྱི་རྗེས་སུ་མཐུན་པར་སྒྲུབ་པ་དེས་དགོན་པ་ལ་གནས་པར་བྱོའོ། ། ཁྱིམ་བདག་གཞན་ཡང་བྱུང་ཆུབ་སེམས་དཔའ་རབ་ཏུ་བྱུང་བརྩོན་མོངས་པའི་ཤས་ཆེན་དེས་ཉོན་རྫོ
41a7 པ་རྣམས་ཞི་བར་བྱ་བའི་ཕྱིར་འགྲོགས་པ་མེད་པར་དགོན་པ་ལ་གནས་པར་བྱ་སྟེ། དེས་ཉོན་མོངས་པ་ཚར་གཅད་པར་བྱའོ།། ཁྱིམ་བདག་གཞན་ཡང་བྱང་ཆུབ་སེམས་དཔའ་རབ་ཏུ་བྱུང་བ་ནི
iiif viewer powered by OpenSeadragon
