| e-texts navigator |
| Wylie |
7a1 སློང་མ་དེ་ལ་དགེ་སློང་མ་རྣམས་ཀྱིས་འདི་སྐད་ཅེས་བསྒོ་བ་ན་གལ་ཏེ་གཞི་དེ་གཏོང་ན་དེ་ལྟ་ན་ལེགས། གལ་ཏེ་མི་གཏོང་ན་གཞི་དེ་གཏོང་བར་བྱ་བའི་ཕྱིར་ལན་གཉིས་ལན་གསུམ་གྱི་བར་དུ
7a2 ཡང་དག་པ་བསྒོ་བར་བྱ། ཡང་དག་པར་བསྟན་པར་བྱའོ།། ལན་གཉིས་ལན་གསུམ་གྱི་བར་དུ་ཡང་དག་པར་བསྒོ།། ཡང་དག་པར་བསྟན་པ་ན་གཞི་དེ་གཏོང་ན་དེ་ལྟ་ན་ལེགས། གལ་ཏེ་མི་གཏོང་ན་དགེ་སློང་མ་དེ
7a3 ཡང་ཕམ་པར་གྱུར་པ་ཡིན་གྱིས་གནས་པར་མི་བྱའོ། ། འཕགས་མ་དག་བདག་གིས་ཕམ་པར་འགྱུར་བའི་ཆོས་བརྒྱད་པོ་དག་བཏོན་ཟིན་ཏོ།། །། དགེ་སློང་མས་དེ་དག་ལས་ལྟུང་བ་གང་ཡང
7a4 རུང་བ་ཞིག་བྱས་ན་ཐོག་མ་ཇི་ལྟ་བར་ཕྱིས་ཀྱང་དེ་བཞིན་དུ་ཕམ་པར་འགྱུར་བ་ཡིན་ཏེ། དགེ་སློང་མ་རྣམས་དང་ལྷན་ཅིག་གནས་པ་དང་། ལོངས་སྤྱད་དུ་མི་དབང་གིས་གནས་པར་མི་བྱའོ།། །། དེ
7a5 ལ་དག་གིས་འཕགས་མ་དག་ལ་ཅི་འདི་ལ་ཁྱེད་ཡོངས་སུ་དག་གམ་ཞེས་དྲིའོ། ། ཅི་འདི་ལ་ཁྱེད་ཡོངས་སུ་དག་གམ་ཞེས་ལན་གཉིས་ལན་གསུམ་དུ་དྲིའོ།། འདི་ལ་འཕགས་མ་དག་ཡོངས་སུ་དག་ན་འདི་ལྟར་ཅང་མི་སྨྲ།
7a6 བས་དེ་དེ་བཞིན་དུ་འཛིན་ཏོ།། ། སྡོམ་ལ། སྨྱན་བྱེད་པ་དང་གཞི་མེད་དང་།། གསུམ་པ་བག་ཙམ་ཆ་ལས་ལེན།། བཞི་པ་ཅི་ཡང་རུང་བར་བྱ།། ལྔ་པ་ཆགས་པ་མེད་པ་སྟེ།། མཚན་མ་ཉིན་མོ
7a7 ལམ་འགྲོ་དང་། ། ཆུ་ཀླུང་ཕ་རོལ་ཡིན་མཐུན་ནོ།། འཕགས་མ་དག་དགེ་འདུན་ལྷག་མའི་ཆོས་ཉི་ཤུ་པོ་འདི་དག་ནི་ཟླ་བ་ཕྱེད་ཁྱེད་ཅིང་སོ་སོར་ཐར་པའི་མདོ་གདོན་པ་ལས་འབྱུང་ངོ་།། ཡང་དགེ་སློང་མ་གང
iiif viewer powered by OpenSeadragon
