| e-texts navigator |
| Wylie |
4b1 དག་ངག་ཙམ་གྱིས། ། ལྡོག་ཅིང་མཚམས་ལས་མི་འདག་པ།། དེ་དག་མི་རྟ་བཟང་པོ་སྟེ།། ཉོན་མོངས་གཡུལ་ལས་ངེས་རྒྱལ་འགྱུར།། སུ་ལ་སྲབ་འདི་མེད་པ་དང་།། ནམ་དུའང་འདོད་པར་མི་འགྱུར་བ།། དེ་དག་ཉོན་མོངས
4b2 གཡུལ་གྱིས་དཀྲུག། འཇོག་འབྲལ་རྣམ་པར་འཁྱམས་པར་འགྱུར།། དགེ་འདུན་འཕགས་མ་རྣམས་གསན་དུ་གསོལ།། དེང་དགེ་འདུན་གྱིས་གསོ་སྤོང་བཅུ་བཞི་པ་འམ་བཅོ་ལྔ་པ་ལགས་ཏེ། གལ་ཏེ་དགེ་འདུན
4b3 གྱི་དུས་ལ་བབ་ཅིང་བཟོད་ན། དགེ་འདུན་གྱིས་གནང་བར་མཛོད་ཅིག་དང་། དེང་དགེ་འདུན་གསོ་སྦྱོང་མཛད་དེ།། སོ་སོར་ཐར་པའི་མདོ་གདོན་པ་གདོན་ཏོ།། འདི་ནི་གསོལ་བའོ།། འཕགས་མ་དག་བདག་ཅག་གསོ
4b4 སྤྱོད་བྱས་ཏེ། བདག་གིས་སོ་སོར་ཐར་པའི་མདོ་གདོན་པ་གདོན་གྱིས་ལེ་པར་ཉོན་ལ་རབ་ཏུ་ཡིད་ལ་གྱིས་ཤིག་དང་བདག་གིས་ཁྱེད་ལ་བཤད་དོ།། ཁྱེད་ཅག་སུ་ལ་ལྟུང་བ་ཡོད་པ་དེས་འཐོལ་ཅིག། ལྟུང་བ་མེད་ན་ཅང་མ
4b5 སྤྲོ་ཞིག། ཅང་མི་སྨྲ་ན་བདག་གིས་འཕགས་མ་དག་ཡོངསུ་དག་པར་རིག་པར་བྱའོ།། ཇི་ལྟར་སོ་སོར་དྲིས་ནས་དགེ་སློང་མས་ལན་བཏབ་པ་དེ་བཞིན་དུ་དགེ་སློང་མའི་འཁོར་འདི་ལྟ་བུར་ཡང་ལན་གསུམ་གྱི་བར
4b6 དུ་བསྒྲགས་པར་བྱ་བ་ཡིན་ནོ། ། ཡང་དགེ་སློང་མ་གང་དགེ་སློང་མའི་འཁོར་འདི་ལྟ་བུར་ལན་གསུམ་གྱི་བར་དུ་བསྒྲགས་པ་ན་ལྟུང་བ་ཡོད་ལ་དྲན་བཞིན་དུ་མི་འགྲོལ་ན་དེ་ཤེས་བཞིན་དུ་བརྫུན་དུ་སྨྲ་བ་ཡིན་ནོ།། འཕགས
4b7 མ་དག་ཤེས་བཞིན་དུ་བརྫུན་དུ་སྨྲ་བ་ནི་བཅོམ་ལྡན་འདས་ཀྱིས་བར་དུ་གཅོད་པའི་ཆོས་སུ་གསུངས་སོ། ། དེ་བས་ན་དགེ་སློང་མ་ལྟུང་བ་བྱུང་བ་རྣམ་པར་དག་པར་འདོད་པས་ལྟུང་བ་ཡོད་ལ་དྲན་བཞིན་དུ་མཐོང་བ་འཐོལ་བར
iiif viewer powered by OpenSeadragon
