| e-texts navigator |
| Wylie |
439b1 པར་མི་བྱའོ་ཞེས་བྱ་བ་ནས། བཅོམ་ལྡན་འདས་ཀྱིས་བཀའ་སྩལ་པ། ཚོང་དཔོན་ནམ་ནང་པ་ལ་བཤད་པར་བྱའོ་ཞེས་བྱ་བའི་བར་རོ།། དེ་ནས་ཡང་ཞྭ་གྱོན་པ་དག་འོངས་པ་ནས། བཅོམ
439b2 ལྡན་འདས་ཀྱིས་བཀའ་སྩལ་པ། བཤད་པར་མི་བྱའོ་ཞེས་བྱ་བའི་བར་རོ།། ནད་པ་དག་འོངས་པ་ནས། བཅོམ་ལྡན་འདས་ཀྱིས་བཀའ་སྩལ་པ། མིན་བར་སྒྲ་དོ་ཀེར་ཅན་ལ་ཆོས་བཤད
439b3 པར་མི་བྱ་སྟེ། མགོ་དཀྲིས་པ་ལ་མ་ཡིན་པ་དང་། མགོ་འཕྲེང་བས་བཅིངས་པ་ལ་མ་ཡིན་པ་དང་། མགོ་ཅོད་པན་གྱིས་བཅིངས་པ་ལ་མ་ཡིན་པ་དང་། མི་ན་བར་ཞྭ་གྱོན་པ་ལ་ཆོས་མི་བཤད་པར་བསླབ་པར
439b4 བྱའོ་ཞེས་བྱ་བའི་བར་རོ། ། །། དེ་ནས་བཅུ་གཉིས་སྡེ་དག་ལག་པ་ན་མཚོན་ཐོགས་པ་ལ་ཆོས་འཆད་པ་བྱེད་པ་ནས། བཤད་པར་མི་བྱའོ་ཞེས་བྱ་བའི་བར་རོ།། ཇི་ཙམ
439b5 ན་གཡུལ་དུ་ཆས་པ་འམ་ནད་པར་གྱུར་པ་ནས། བཅོམ་ལྡན་འདས་ཀྱིས་བཀའ་སྩལ་པ། བཤད་པར་བྱའོ་ཞེས་བྱ་བའི་བར་རོ།། དེ་བཞིན་དུ་གདུགས་ཐོགས་པའི་བར་དག་འོངས་ནས་བཤད
439b6 པར་མི་བྱའོ་ཞེས་བྱ་བ་ནས། བཅོམ་ལྡན་འདས་ཀྱིས་བཀའ་སྩལ་པ། ནད་པ་ལ་བཤད་པར་བྱའོ་ཞེས་བྱ་བའི་བར་རོ།། དེ་བཞིན་དུ་ལག་ན་འཁར་བ་ཐོགས་པ་འོང་ནས་བཤད་པར་མི་བྱའོ།
439b7 ཞེས་བྱ་བ་ནས། ཡང་ནད་པ་འམ་རྒས་པ་འཁར་བ་མེད་པར་འཚོ་བར་མི་ནུས་པ་ཞིག་ཡིན་ན་ཞེས་བྱ་བ་ནས། བཅོམ་ལྡན་འདས་ཀྱིས་བཀའ་སྩལ་པ། དེ་དག་ལ་ཆོས་བཤད་པར་བྱའོ་ཞེས་བྱ་བའི་བར་རོ།།
iiif viewer powered by OpenSeadragon
