| e-texts navigator |
| Wylie |
438b1 ཞེས་བྱ་བའི་བར་རོ། ། གཉའ་གོང་དུ་བསྣོལ་བའི་བར་དག་ལ་ཆོས་འཆད་པར་བྱེད་པ་ནས། བཅོམ་ལྡན་འདས་ཀྱིས་བཀའ་སྩལ་པ། བཤད་པར་མི་བྱའོ་ཞེས་བྱ་བའི་བར་རོ།།
438b2 ཇི་ཙམ་ན་གཉའ་གོང་དུ་བསྣོལ་བའི་བར་དག་འོངས་པ་ནས། བཅོམ་ལྡན་འདས་ཀྱིས་བཀའ་སྩལ་པ། མི་ན་བར་མགོ་གཡོགས་པ་ལ་ཆོས་བཤད་པར་མི་བྱ་སྟེ། བརྫེས་པ་ལ་མ་ཡིན་པ་དང་། གཟར་བ་ལ
438b3 མ་ཡིན་པ་དང་། ཕྲག་པ་གཉིས་ཀ་ལ་གཟར་བ་མ་ཡིན་པ་དང་། མི་ན་བར་གཉའ་གོང་དུ་བསྣོལ་བ་ལ་ཆོས་མི་བཤད་པར་བསླབ་པར་བྱའོ་ཞེས་བྱ་བའི་བར་རོ།། །། དེ་ནས་བཅུ
438b4 གཉིས་སྡེ་དག་གླང་པོ་ཆེ་ཞོན་པ་ལ་ཆོས་འཆད་པར་བྱེད་པ་ནས། བཅོམ་ལྡན་འདས་ཀྱིས་བཀའ་སྩལ་པ། བཤད་པར་མི་བྱའོ་ཞེས་བྱ་བའི་བར་རོ།། དེ་ནས་གླང་པོ་ཆེ་ཞོན་པ
438b5 ངག་གཡུལ་དུ་ཆས་ནས། དེ་དག་ལ་འདི་སྐད་ཅེས་སྨྲས་སོ།། འཕགས་མ་ཆོས་བཤད་དུ་གསོལ། དེ་དག་གིས་འདི་སྐད་ཅེས་སྨྲས་སོ།། བོབས་ཤིག་དང་ཆོས་བཤད་དོ།། དེ་དག་གིས་འདི་སྐད
438b6 ཅེས། བདག་ཅག་འགུམས་པར་བགྱིད་པ་ཕས་ཀྱི་རྒོལ་བ་དག་རྟིང་ལ་ཐུག་ལགས་སོ་ཞེས་སྨྲས་པ་ནས། བཅོམ་ལྡན་འདས་ཀྱིས་བཀའ་སྩལ་པ། ནད་པ་ཡིན་ནོ་ཞེས་བྱ་སྟེ། བཤད་པར་བྱའོ་ཞེས་བྱ་བའི
438b7 བར་རོ། ། དེ་བཞིན་དུ་རྟ་ཞོན་པ་དང་། ཤིང་རྟར་ཞུགས་པ་ལ་ཡང་བརྗོད་པར་བྱའོ།། དེ་ནས་མིའི་ཕྲག་པ་དང་མགོ་ལ་ཞོན་ཞིང་འགྲོ་བ་ནས། ཆོས་བཤད་པར་མི་བྱའོ་ཞེས་བྱ་བའི་བར་རོ།།
iiif viewer powered by OpenSeadragon
