| e-texts navigator |
| Wylie |
37a1 འོན་ཀྱང་དེ་ལ་བུ་ཡང་མེད་ཅིང་། བུ་མོ་ཡང་མེད་པར་གྱུར་ཏོ།། དེས་ནས་དེས་ནྱ་གྲོ་དྷའི་དྲུང་དུ་སོང་སྟེ། ནྱ་གྲོ་དྷ་ལ་གསོལ་བ་བཏབ་པ་དང་། དེ་ནས་ཁྱོད་བྱུང་ངོ་།། དེའི་ཕྱིར་ཁྱོད་ནྱ་གྲོ
37a2 དྷ་ཞེས་བཏགས་སོ། ། ཁྱོད་ཀྱང་བུ་མེད་ན་དེ་ཁོ་ན་ལྟར་གྱིས་ཤིག། དེ་ནས་བྲམ་ཟེ་ཤིང་སཱ་ལ་ཆེན་པོ་ལྟ་བུ་ནྱ་གྲོ་དྷ། ཤིང་ནྱ་གྲོ་དྷ་ག་ལ་བ་དེར་སོང་སྟེ་བྱིན་ནས། ཤིང་ནྱམོ་དྷའི་དྲུང་དུ་ཆག་ཆག་དང་ཕྱག་དར་ལེགས
37a3 པར་བྱེད་དུ་བཅུག་སྟེ། སྤོས་དང་། མེ་ཏོག་དང་། བདུག་པས་བཀང་ནས། རྒྱལ་མཚན་དང་། བ་དན་བསྒྲེང་དུ་བཅུག་གོ།། དེ་ནས་བྲམ་ཟེ་བརྒྱད་བརྒྱ་ཟན་བྱིན་ཏེ། རས་ཡུག་ཆེན་བསྐོན་ནས།
37a4 རྗེས་ལ་ཤིང་ལ་གནས་པའི་ལྷ་ལ་གསོལ་བ་བཏབ་པ། བདག་ལ་བུ་རྙེད་པར་སྤྲོ་བ་སྐྱེད་དུ་གསོལ། གལ་ཏེ་བདག་ལ་བུ་མཆིས་ན། ལོ་གཅིག་བཞིན་འདི་འདྲ་བར་ཁྱོད་ལ་མཆོད་པ་དཔག་ཏུ་མེད་པ་བགྱིའོ།།
37a5 གལ་ཏེ་མ་མཆིས་ན་ལྗོན་ཤིང་འདི་པུ་ཤེལ་ཅིའི་རྩ་བ་ཙམ་གྱི་བར་ལུས་པ་ཡང་གཤེགས་ནས། དུམ་བུ་དུམ་བུར་བྱས་ལ། ཞོགས་མ་ཞོགས་མར་བཞོགས་ཏེ། རླུང་དང་ཉི་མ་གཉིས་ལ་བསྐམས་ནས་མེ
37a6 བསྲེག་གོ། བསྲེགས་ནས་ཐལ་བ་རླུང་ཆེན་པོ་ལ་ཕྱར་བ་འམ། ཆུ་ཀླུང་ཆེན་པོ་དྲག་པོར་གཏོར་རོ།། ལྷ་དེ་ཡང་དབང་ཆུང་བ་ཡིན་པས། གསོལ་བ་བཏབ་པ་ན་ནི། མགུ་བ་དང་། དགའ་བ་དང་། ཡིད་རབ་ཏུ
37a7 དགའ་བ་དང་། སྟོབས་དང་ལྡན་པ་ཡིན་ལ། བསྡིགས་པ་ན་ནི། བདག་གནས་ནས་བསྐྲད་པར་མི་འགྱུར་གྲང་ཞེས་འཇིགས་པར་འགྱུར་ཏོ།། ལྷ་དེ་ཡང་རྒྱལ་པོ་ཆེན་པོ་བཞིས་ཀུན་ཏུ་ཟིན་པ་ཡིན་པས
iiif viewer powered by OpenSeadragon
