| e-texts navigator |
| Wylie |
36b1 བུ་མོ་དག་སྐྱེ་བ་ཡིན་ནོ། ། དེ་དེ་ལྟར་ལྷ་བརྒྱ་སྟོང་ལ་གསོལ་བ་འདེབས་པ་ལྷུར་ལེན་ཅིང་འདུག་པ་ལས། བུ་ཡང་མེད། བུ་མོ་ཡང་མེད་ནས། དེ་སྟེང་གི་ཁང་བཟངས་ཀྱི་སྟེང་དུ་སོང་སྟེ་ལག་པ་ལ་འགྲམ་པ་གཏད
36b2 ནས། བདག་གི་ཁྱིམ་གྱི་འབྱོར་པ་རྒྱ་ཆེན་པོ་འདི་ལྟ་བུ་ནི་བུ་མེད་པའི་ཕྱིར་བླར་བ་ཞེས་པར་འོང་ངོ་ཞེས་སེམས་ཁོངས་སུ་ཆུད་ཅིང་འདུག་གོ། དེ་ནས་དེའི་དྲུང་དུ་ཉེ་དུ་རྣམས་ལྷགས་ཏེ། འདི་སྐད་ཅེས་སྨྲས་སོ།། ནྱ་གྲོདྷ
36b3 ཁྱོད་ཅིའི་ཕྱིར་ཡིད་མི་བདེ་ཞིང་འདུག། དེས་སྐབས་དེས་ཉེ་དུ་རྣམས་ལ་རྒྱ་ཆེར་སྨྲས་པ་དང་། དེ་དག་གིས་འདི་སྐད་ཅེས་སྨྲས་སོ།། ལྷ་རྣམས་དང་འཇུག་ངོགས་དག་ལ་སྟན་ཅིག། དེས་འདི་སྐད་ཅེས་སྨྲས་སོ།། སྔར
36b4 ལྷའམ། འཇུག་ངོགས་གང་ལ་མ་བསྟེན་པ་དེ་ཡང་མེད་ན། འོན་ཀྱང་བདག་ལ་བུ་འམ་བུ་མོ་ཡང་མེད་དོ།། དེ་ནས་བྲམ་ཟེད་ཤིང་སཱ་ལ་ཆེན་པོ་ལྟ་བུ་ནྱ་གྲོ་དྷའི་མ་འོངས་ནས། དེ་སྐད་ཅེས་སྨྲས་སོ།། བུ་ནྱ་གྲོ
36b5 དྷཁྱོད་ཇི་སྟེ་ཡིད་མི་བདེ། དེས་འདི་སྐད་ཅེས་སྨྲས་སོ།། ཡུམ་ཅི་བདག་གིས་ཡིད་མི་བདེ་བ་ཆུང་ངམ། བདག་གི་ཁྱིམ་གྱི་ཡོ་བྱད་རྒྱ་ཆེན་པོ་འདི་ལྟ་བུ། བུ་མེད་པའི་ཕྱིར་སླར་བཞེས་པར་འགྱུར་རོ།།
36b6 བྲམ་ཟེ་ཤིང་སཱལ་ཆེན་པོ་སྟ་བུ་ནྱ་གྲོ་དྷའི་སྐྱེད་མོས་ཚལ་ན། ལྗོན་ཤིང་ནྱ་གྲོ་དྷ་ཆེན་པོ་ཡལ་ག་དང་། མགོ་ལྕོགས་དང་། འདབ་མ་དང་། ལོ་མ་ཕུན་སུམ་ཚོགས་ཤིང་། འདབ་མ་རྒྱ་ཆེ་ལ། ཡལ་ག་གཡུར
36b7 ཟ་བ་ཞིག་ཡོད་དེ། དེའི་མིང་གི་གྲོང་ཁྱེར་ནྱ་གྲོ་དྷ་ཅན་ཞེས་བྱ་བར་ཤེས་སོ།། མས། དེ་ལ་སྨྲས་པ། བུ་ཁྱོད་ཀྱི་ཕ་ཡང་བུ་མེད་པར་གྱུར་ནས། དེས་ཀྱང་ལྷ་བརྒྱ་སྟོང་དུ་མ་ལ་བུའི་ཕྱིར་གསོལ་བ་བཏབ་བོ།།
iiif viewer powered by OpenSeadragon
