| e-texts navigator |
| Wylie |
35a1 ཐམས་ཅད་མཁྱེན་པ་ལ་ཕྱག་འཚལ་ལོ།། རྒྱལ་པོ་འདུལ་བ་རྗེ་ཡི་རིགས་སུ་འཁྲུངས།། སློབ་མ་དུལ་མཛད་ཉེས་པ་རའ་ཐུལ་བ།། སངས་རྒྱས་འདུལ་བའི་གཙོ་དང་ཆགས་བྲལ་ཆོས།
35a2 རྡུལ་དང་བྲལ་བའི་ཚོགས་ལ་ཕྱག་འཚལ་ཏེ།། དགེ་སློང་མའི་སོ་སོར་ཐར།། རྣམ་བྱེད་ཧ་ཅང་བསྡུས་པ་དང་།། རྒྱས་པ་མ་ཡིན་བརྗོད་པར་བྱས།། འདུལ་བ་དེ་ནི་ང་ལས་ཉོན།། བསྐལ་པ་བྱེ་བ་རྣམས་སུ
35a3 ཡང་། ། འདུལ་བ་ཐོས་པར་འགྱུར་བ་དང་།། གཟུང་དང་འཛིན་པ་རྙེད་དཀའ་སྟེ།། སྒྲུབ་པའང་ཤིན་ཏུ་རྙེད་པར་དཀའ།། སངས་རྒྱས་རྣམས་ནི་འབྱུང་བ་བདེ།། ཆོས་བསྟན་པ་ཡང་བདེ་བ་ཡིན།། དགེ
35a4 འདུན་མཐུན་པ་བདེ་བ་སྟེ། ། མཐུན་པ་རྣམས་ཀྱི་དཀའ་ཐུབ་བདེ།། ཆོས་ཐོས་པ་དང་མཐོང་བ་ཡི།། དབེན་པར་དགའ་བ་དེ་བ་ཡིན།། འཇིག་རྟེན་སྲོག་ཆགས་འབྱུང་པོ་ལ།། མི་ཚེ་ཡང་དག་སྡོམ་པ་བདེ
35a5 འཇིག་རྟེན་འདོ་ཆགས་བྲལ་བ་དང་། ། འདོད་པ་རྣམས་ལས་རྒྱལ་བ་བདེ།། ངའོ་ང་རྒྱལ་དུལ་བ་གང་།། དེ་ནི་མཆོག་ཏུ་བདེ་བ་ཡིན།། ཚུལ་ཁྲིམས་ལྡན་པ་མཐོང་བ་བདེ།། མང་དུ་ཐོས་པ་མཐོང་བ་བདེ།།
35a6 ཡང་སྲིད་རྣམ་པར་གྲོལ་བ་ཡི།། དགྲ་བཅོམ་པ་དག་མཐོང་བ་བདེ།། འཕགས་པ་རྣམས་ནི་མཐོང་བ་བདེ།། དམ་པ་རྣམས་དང་འགྲོགས་པ་བདེ།། བྱིས་པ་རྣམས་ནི་མ་མཐོང་ན།། རྟག་ཏུ་བདེ་བ་ཉིད་དུ།
35a7 འགྱུར།། འཇུག་ངོགས་བདེ་བའི་ཆུ་ཀླུང་བདེ།། ཆོས་ལ་གོམས་པའི་སྐྱེ་བོ་བདེ།། ཤེས་རབ་ཐོབ་པར་གྱུར་པ་བདེ།། ང་འོ་ང་རྒྱལ་ཟད་པ་བདེ།། འཇིག་རྟེན་དགེ་སྦྱོང་འཛིན་པ་བདེ།། དེ་བཞིན་བྲམ་ཟེ
iiif viewer powered by OpenSeadragon
