| e-texts navigator |
| Wylie |
33b1 འཕགས་མ་དག་བདག་གིས་སོ་སོར་ཐར་པའི་མདོ་གདོན་པའི་གླེང་གཞི་བཏོན་ཟིན་ཏོ།། ཕམ་པར་འགྱུར་བའི་ཆོས་བརྒྱད་དང་། དགེ་འདུན་ལྷག་མའི་ཆོས་ཉིད་ནུ་དང་། སྤང་བའི་ལྟུང
33b2 བྱེད་ཀྱིས་ཆོས་སུམ་ཅུ་རྩ་གསུམ་དང་། ལྟུང་བྱེད་ཀྱི་ཆོས་བརྒྱ་བརྒྱད་ཅུ་དང་། སོ་སོར་བཤགས་པར་བྱ་བའི་ཆོས་བཅུ་གཅིག་དང་། བསླབ་པའི་ཆོས་མང་པོ་དང་། རྩོད་པ་ཞི་བར་བྱ་བའི་ཆོས་བདུན་པོ་དག་བཏོན
33b3 ཟིན་ཏོ། ། ། བཅོམ་ལྡན་འདས་དེ་བཞིན་གཤེགས་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དེའི་མདོར་གཏོགས་ཤིང་བསྡུས་པ་ནི་འདི་དག་གོ།། གང་གཞན་ནས་འབྱུང་བའི་ཆོས་ཀྱི
33b4 རྗེས་སུ་མཐུན་པའི་ཆོས་དེ་ལ་ཡང་། ཁྱེད་རྣམས་འདུམ་པ་དང་། མཐུན་པ་དང་། དགའ་བ་དང་། མི་རྩོད་པར་སེམས་ཀུན་ཏུ་བསྲུང་བ་དང་། དྲན་པ་དང་། བག་ཡོད་པས་རྣལ་འབྱོར་དུ་བྱའོ།།
33b5 བཟོད་པ་དཀའ་ཐུབ་དམ་པ་བཟོད་པ་ནི།། མྱ་ངན་འདས་པ་མཆོག་ཅེས་སངས་རྒྱས་གསུང་།། རབ་ཏུ་བྱུང་བ་གཞན་ལ་གནོད་པ་དང་།། གཞན་ལ་འཚེ་བ་དགེ་སྦྱོང་མ་ཡིན་ནོ།། མིག་ལྡན་འགྲོ་བ་ཡོད་པ་ཡིས།། ཉམ
33b6 ང་བ་དག་ཇི་བཞིན་དུ། ། མཁས་པས་འཚོ་བའི་འཇིག་རྟེན་འདིར།། སྡིག་པ་དག་ནི་ཡོངས་སུ་སྤང་།། སྐུར་པ་མི་གདབ་གནོད་མི་བྱ།། སོ་སོར་ཐར་པའང་བསྡམ་པར་བྱ།། ཟས་ཀྱིས་ཚོད་ཀྱང་རིག་པར་བྱ།།
33b7 བས་མཐའི་གནས་སུ་གནས་པར་བྱ།། ལག་པའི་སེམས་ལ་ཡང་དག་སྦྱོར།། འདི་ནི་སངས་རྒྱས་བསྟན་པ་ཡིན།། ཇི་ལྟར་བུང་བ་མེད་ཏོག་ལས།། ཁ་དོག་དྲི་ལ་མི་གནོད་པར།། ཁུ་བ་གཞིབས་ནས་འཕུར
iiif viewer powered by OpenSeadragon
