| e-texts navigator |
| Wylie |
32a1 རྣམ་པ་བཞི། ། ལྷུང་བཟེད་ལ་ཡང་རྣམ་པ་བཅུ།། འགྲེང་བར་བྱེད་ལ་སོགས་པ་ལྔ།། མགོ་གཡོག་ལ་སོགས་རྣམ་པ་ལྔ།། དེ་ཀེར་ཅན་ལ་སོགས་པ་ལྔ།། གླང་ཆེན་ལ
32a2 སོགས་བཞོན་པ་ལྔ། ། ལག་ན་འཁར་བ་ལ་སོགས་དྲུག། ན་བ་རྣམ་པ་གསུམ་རྣམས་སོ།། དྲུང་ན་འདུག་པའི་དགེ་སློང་མའི་ལྷུང་བཟེད་ལ་འཕྱས་གདགས་པའི་ཕྱིར་མི་ལྟ་བར་བསླབ་པར་བྱའོ།།
32a3 ལག་པ་ཟས་དང་འབགས་པས་ཆུ་སྣོད་ལ་མི་གཟུང་བར་བསླབ་པར་བྱའོ།། དྲུང་ན་འདུག་པའི་དགེ་སློང་མ་ལ་ཟས་དང་འབགས་པའི་ཆུས་མི་གཏོར་བར་བསླབ་པར་བྱའོ།། ཁྱིམ་པ་འདུག་པ་ལ་མ་དྲིས་པར་ཆུ་ཟས་དང་འབགས
32a4 པ་ཁྱིམ་གཞན་དུ་མི་དབོ་བར་བསླབ་པར་བྱའོ། ། ལྷུང་བཟེད་ཀྱི་ནང་དུ་ཟས་ཀྱི་ལྷག་མ་བླུགས་ཏེ་མི་དབོ་བར་བསླབ་པར་བྱའོ།། འོག་གཞི་མེད་པའི་ས་ཕྱོགས་སུ་ལྷུང་བཟེད་མི་གཞག་པར་བསླབ་པར་བྱའོ།། གད་ཁམ
32a5 ཡིན་པ་དང་། གཡང་ཁ་མ་ཡིན་པ་དང་། དཀན་གཟར་པོ་མ་ཡིན་པར་ལྷུང་བཟེད་གཞག་པར་བསླབ་པར་བྱའོ།། འགྲེང་སྟེ་ལྷུང་བཟེད་མི་བཀྲུ་བར་བསླབ་པར་བྱའོ།། གང་ཁ་མ་ཡིན་པ་དང་། གཡང་ཁ་མ་ཡིན་པ་དང་།
32a6 དཀན་གཟར་པོ་མ་ཡིན་པར་ལྷུང་བཟེད་བཀྲུ་བར་བསླབ་པར་བྱའོ།། འབབ་ཆུ་དྲག་པོའི་རྒྱུན་ལས་བཟློག་སྟེ་ལྷུང་བཟེད་ཀྱིས་ཆུ་མི་བཅུ་པར་བསླབ་པར་བྱའོ།། མི་ན་བར་འདུག་པ་ལ་འགྲེང་སྟེ་ཆོས་མི་བཤད་པར་བསླབ་པར
32a7 བྱའོ། ། མི་ན་བར་ཉལ་བ་ལ་འདུག་སྟེ་ཚེས་མི་བཤད་པར་བསླབ་པར་བྱའོ།། མི་ན་བར་བསྟན་མཐོན་པོ་ལ་འདུག་པ་ལ་སྟན་དམའ་བ་ལ་འདུག་སྟེ་ཆོས་མི་བཤད་པར་བསླབ་པར་བྱའོ།། མི་ན་བར་མདུན་དུ་འགྲོ་བ་ལ་ཕྱི
iiif viewer powered by OpenSeadragon
