| e-texts navigator |
| Wylie |
30b1 བསྡམས་པ་དེ་ལྟ་བུ་དག་ཏུ་སྔར་མགྲོན་དུ་མ་བོས་པར་སོང་སྟེ། རང་གི་ལག་གིས་བཅའ་བ་དང་འཟའ་བ་བླངས་ནས་འཆའ་འམ་ཡ་ན། དགེ་སློང་མ་དེས་ཕྱི་རོལ་དབྱར་ཁང་དུ་སོང་སྟེ། དགེ་སློང
30b2 མ་རྣམས་ལ་འཕགས་མ་དག་བདག་ལ་སྨད་པའི་གནས་མི་རིགས་པ་སོ་སོར་བཤགས་པར་བྱ་བ་བྱུང་གིས། ཆོས་འདི་ཡང་སོ་སོར་འཆགས་སོ།། ཞེས་སོ་སོར་བཤགས་པར་བྱ་སྟེ། ཆོས་འདི
30b3 ཡང་སོ་སོར་བཤགས་པར་བྱ་བའོ། ། འཕགས་མ་དག་བདག་གིས་སོ་སོར་བཤགས་པར་བྱ་བ་ཆོས་བཅུ་གཅིག་པོ་འདི་དག་བཏོན་ཟིན་ཏོ།། །། དེ་ལ་བདག་གིས་འཕགས་མ་དག་ལ
30b4 ཅི་འདི་ལ་ཁྱེད་ཡོངས་སུ་དག་གམ་ཞེས་དྲིའོ། ། ཅི་འདི་ལ་ཁྱེད་ཡོངས་སུ་དག་གམ་ཞེས་ལན་གཉིས་ལན་གསུམ་དུ་དྲིའོ།། འདི་ལ་འཕགས་མ་དག་ཡོངས་སུ་དག་ན། འདི་ལྟར་ཅང་མི་སྨྲ་བས་དེ་དེ་བཞིན
30b5 འཛིན་ཏོ། ། ། སྡོམ་ལ། ཤམ་ཐབས་ལ་ནི་རྣམ་བརྒྱད་དང་། སྟོད་གཡོག་ལ་ནི་རྣམ་གསུམ་དང་།། ཤིན་ཏུ་བསྡམས་ལ་སོགས་པ་དྲུག། མགོགཡོགས་ལ་སོགས་རྣམ་པ་ལྔ།
30b6 མཆོད་ལ་སོགས་པ་རྣམ་པ་ལྔ།། ལུས་ལ་སོགས་པ་རྣམ་པ་ལྔ།། འདུག་པར་བྱ་བ་བརྒྱད་དག་དང་།། བྱིན་ལེན་བྱ་བ་བརྒྱད་རྣམས་སོ།། འཕགས་མ་དག་བསླབས་པར་བྱ་བའི་ཆོས་མང
30b7 པོ་འདི་དག་ནི་ཟླ་བ་ཕྱེད་བྱེད་ཅིང་སོ་སོར་ཐར་པའི་མདོ་གདོན་པ་ལས་འབྱུང་ངོ་། ། ཤམ་ཐབས་ཟླུམ་པོར་བགོ་བར་བསླབ་པར་བྱའོ།། ཧ་ཅང་བརྫེས་པ་མ་ཡིན་པ་དང་། ཧ་ཅང་འཇོལ་བ་མ་ཡིན་པ་དང
iiif viewer powered by OpenSeadragon
