| e-texts navigator |
| Wylie |
28b1 ཡང་དགེ་སློང་ས་གང་གནས་ལ་སེར་སྣ་བྱེད་ན་ལྟུང་བྱེད་དོ།། ཡང་དགེ་སློང་མ་གང་རྙེད་པ་ལ་སེར་སྣ་བྱེད་ན་ལྟུང་བྱེད་དོ།། སྡོམ་ལ། ཆོས་དང་སློང་པ་རྣམས་གཉིས་དང་།
28b2 གླེང་དང་མནའ་འདོར་རྡེག་པ་དང་།། བརྙས་ཐབས་སྤྱོ་དང་ཆུ་འཐོར་དང་།། འཁྲུག་ལོང་ཡལ་བར་འདོར་བའོ།། ཡང་དགེ་སློང་མ་གང་ཆོས་ལ་སེར་སྣ་བྱེད་ན་ལྟུང་བྱེད་དོ།། ཡང
28b3 དགེ་སློང་མ་གང་ཁྲོས་འཁྲུགས་བརྔམ་པར་གྱུར་ཏེ། ཡིད་མ་རངས་ནས། དབྱར་ཁང་ནས་དགེ་སློང་མ་སྤྱོད་ན་ལྟུང་བྱེད་དོ།། ཡང་དགེ་སློང་མ་གང་ཁྱིམ་གཞན་ན་དགེ་སློང
28b4 མ་སྔ་ནས་གནས་པར་ཤེས་བཞིན་དུ། ཕྱིས་འོངས་ཏེ་སྐྲོད་པར་བྱེད་ན་ལྟུང་བྱེད་དོ།། ཡང་དགེ་སློང་མ་གང་ལེགས་པར་མཐོང་བ་དང་། ཐོས་པ་དང་། དོགས་པ་མེད་པར། དགེ་སློང་མའི
28b5 ལྟུང་བ་གླེང་ན་ལྟུང་བྱེད་དོ། ། ཡང་དགེ་སློང་མ་གང་མནའ་འདོར་ན་ལྟུང་བྱེད་དོ།། ཡང་དགེ་སློང་མ་གང་ཁྲོས་འཁྲུགས་བརྔམ་པར་གྱུར་ཏེ། ཡིད་མ་རངས་ནས། བདག་ཉིད་ལ
28b6 རྡེག་ན་ལྟུང་བྱེད་དོ། ། ཡང་དགེ་སློང་མ་གང་དགེ་སློང་མའི་ཚོགས་ལ་བརྙས་ཐབ་བྱེད་ན་ལྟུང་བྱེད་དོ།། ཡང་དགེ་སློང་མ་གང་དགེ་སློང་མའི་ཚོགས་ལ་སྤྱོན་ལྟུང་བྱེད་དོ།། ཡང་དགེ་སློང་མ་གང་འཁོར་གཙོ་བོ་ལ་ཆུ
28b7 འཐོར་ནི་ལྟུང་བྱེད་དོ། ། ཡང་དགེ་སློང་མ་གང་མཐུ་ཡོད་བཞིན་དུ་དགེ་སློང་མ་རྣམས་ཀྱིས་འཁྲུག་ལོང་ཡལ་བར་འདོར་ན་ལྟུང་བྱེད་དོ།། སྡོམ་ལ། འདུན་པ་གདམས་ངག
iiif viewer powered by OpenSeadragon
