| e-texts navigator |
| Wylie |
28a1 བསྙེན་བཀུར་ཉམས་སུ་ལེན་པར་བྱེད་ན་ལྟུང་བྱེད་དོ། ། ཡང་དགེ་སློང་མ་གང་ཁྱིམ་གཞན་དུ་མ་བསྒོ་བར་སྟན་ལ་ཕྱིས་གནོན་བྱས་ཏེ་འདུག་ན་ལྟུང་བྱེད་དོ།། ཡང་དགེ་སློང་མ་གང
28a2 ཆོས་སྟོན་པ་ན་ཁྱིམ་པའི་སྟན་སྤྱད་པ་མ་གཏད་པར་འགྲོ་ན་ལྟུང་བྱེད་དོ། ། ཡང་དགེ་སློང་མ་གང་སྐུད་པ་འཇལ་ན་ལྟུང་བྱེད་དོ།། ཡང་དགེ་སློང་མ་གང་ཁྱིམ་གྱིས་ལས་བྱེད་ན་ལྟུང་བྱེད་དོ།། ཡང་དགེ་སློང་མ
28a3 གང་རྗེན་པ་འཚོང་ན་ལྟུང་བྱེད་དོ། ། ཡང་དགེ་སློང་མ་གང་དགེ་སློང་མའི་ཚོགས་ཀྱིས་གོས་བདག་གིར་བྱེད་ན་ལྟུང་བྱེད་དོ།། ཡང་དགེ་སློང་མ་གང་ཟས་འཚོང་ན་ལྟུང་བྱེད་དོ།། ཡང་དགེ་སློང་མ་གང་སྟེ་འདུན
28a4 གྱི་ཟས་ཟོས་ནས་སྟན་ལས་ལངས་ཏེ་ཡང་ཟ་ན་ལྟུང་བྱེད་དོ། ། །། སྡོམ་ལ། སྒྲོག་སྐྱ་སྨེ་གབ་ཆུ་གོས་དང་།། འཁྲུར་འཇུག་པ་དང་དགེ་སྦྱོང་གོས།། བརྗེ་དང་བསྔགས་པ་ཁྱིམ་དང་ནི།།
28a5 གནས་དང་བརྙེད་པའི་སེར་སྣའོ།། ཡང་དགེ་སློང་མ་གང་སྒོག་སྐྱ་བ་ན། ན་བའི་རྐྱེན་མོ་གཏོགས་ཏེ་ལྟུང་བྱེད་དོ།། ཡང་དགེ་སློང་མ་གང་སྨྲིག་པ་མི་འཆང་ན་ལྟུང་བྱེད་དོ།། ཡང་དགེ་སློང
28a6 མ་གང་ཆུ་གོས་མི་འཆང་ན་ལྟུང་བྱེད་དོ། ། ཡང་དགེ་སློང་མ་གང་བཀྲུ་བཤལ་པ་གོས་འཁྲུར་འཆོལ་ན་ལྟུང་བྱེད་དོ།། ཡང་དགེ་སློང་མ་གང་དགེ་སྦྱོང་གི་གོས་ཁྱིམ་པ་ལ་བགོ་བོའི་ཕྱིར་སྦྱིན་ན་ལྟུང་བྱེད་དོ།།
28a7 ཡང་དགེ་སློང་མ་གང་འཁོར་གཙོ་བོ་ལ་ཆོས་གོས་སྣམ་སྦྱར་བརྗེན་ལྟུང་བྱེད་དོ།། ཡང་དགེ་སློང་མ་གང་བསྔགས་པ་ལ་སེར་སྣ་བྱེད་ན་ལྟུང་བྱེད་དོ།། ཡང་དགེ་སློང་མ་གང་ཁྱིམ་ལ་སེར་སྣ་བྱེད་ན་ལྟུང་བྱེད་དོ།།
iiif viewer powered by OpenSeadragon
