| e-texts navigator |
| Wylie |
26b1 འདྲེན་ན་ལྟུང་བྱེད་དོ། ། ཡང་དགེ་སློང་མ་གང་རབ་ཏུ་ཕྱུང་ངམ་བསྙེན་པར་རྫོགས་པར་བྱས་ནས། བསླབ་པ་དག་ལ་སློབ་ཏུ་མི་འཇུག་ན་ལྟུང་བྱེད་དོ།། ། སྡོམ་ལ། ནད་གཡོག་རྒྱ་སྐྱེགས
26b2 སོར་མོ་དང་། ། ཐལ་མོ་སྤུ་དང་དབེན་གཉིས་དང་།། བླ་གབ་མེད་པ་གཉིས་དང་ནི།། རྣ་བར་བཤུབ་ཅིང་སྨྲ་བའོ།། ཡང་དགེ་སློང་མ་གང་ལྷན་ཅིག་གནས་པ་དང་། ཉེ་གནས་ན་བ་དག
26b3 ལ་ནད་གཡོག་མི་བྱེད་ན་ལྟུང་བྱེད་དོ། ། ཡང་དགེ་སློང་མ་གང་རང་གི་བསྟེན་པར་བྱ་བའི་ནང་དུ་རྒྱ་སྐྱེགས་ཀྱི་ཆང་བུ་འཇུག་ན་ལྟུང་བྱེད་དོ།། ཡང་དགེ་སློང་མ་གང་བསྟེན་པར་བྱ་བའི་ནང་དུ་སོར་མོའི་ཚོགས་གཉིས་བཟླས
26b4 ཏེ་འཁྲུ་ན་ལྟུང་བྱེད་དོ། ། ཡང་དགེ་སློང་མ་གང་བསྟེན་པར་བྱ་བ་ལ་ཐལ་མོས་རྡེག་ན་ལྟུང་བྱེད་དོ།། ཡང་དགེ་སློང་མ་གང་གསང་བའི་ཕྱོགས་ཀྱི་སྐུ་འཕྲོག་ན་ལྟུང་བྱེད་དོ།། ཡང་དགེ་སློང་མ་གང་ཁྱིམ་པ་དང་ལྷན་གཅིག
26b5 དབེན་པ་སྐྱབས་ཡོད་པ་ན་འགྲེང་ན་ལྟུང་བྱེད་དོ། ། ཡང་དགེ་སློང་མ་གང་དགེ་སློང་དང་ལྷན་ཅིག་དབེན་པ་སྐྱབས་ཡོད་པ་ན་འགྲེང་ན་ལྟུང་བྱེད་དོ།། ཡང་དགེ་སློང་མ་གང་ཁྱིམ་པ་དང་ལྷན་ཅིག་བླ་གབ་མེད་པ་ན་འགྲེ
26b6 ན་ལྟུང་བྱེད་དོ། ། ཡང་དགེ་སློང་མ་གང་དགེ་སློང་དང་ལྷན་ཅིག་བླ་གབ་མེད་པ་ན་འགྲེང་ན་ལྟུང་བྱེད་དོ།། ཡང་དགེ་སློང་མ་གང་ཁྱིམ་པའི་རྣ་བར་བཤུབ་ཅིང་སྨྲ་ན་ལྟུང་བྱེད་དོ།། །། སྡོམ་ལ། ཉན་དང་དེས
26b7 སློང་རྣམ་གཉིས་དང་། ། རིག་པ་གཉིས་དང་རྨ་འགྲོལ་དང་།། བུ་དང་ཁྱིམ་དང་མ་བརྟགས་དང་།། མཚན་མོ་གཅིག་པུ་ཉལ་བའོ།། ཡང་དགེ་སློང་མ་གང་ཁྱིམ་པ་ལས་རྣར་བཤུབ་ཅིང་སྨྲ་བ་ཉན
iiif viewer powered by OpenSeadragon
