| e-texts navigator |
| Wylie |
20a1 རྣམས་ལ་ཡང་བགོ་བཤའ་བྱ། བདག་ཅག་ཀྱང་བཟའ་བར་བྱ་སྟེ། དེ་ལ་དེ་ནི་ཆོ་ག་ཡིན་ནོ།། ཡང་དགེ་སློང་མ་གང་ཟས་ཟོས་ཟིན་ཅིང་སྤངས་པ་ལས་ལྷག་པོར་མ་བྱས་པར་བཅའ་བའམ།
20a2 བཟའ་བ་འཆའ་འམ་ཟ་ན་ལྟུང་བྱེད་དོ།། ཡང་དགེ་སློང་མ་གང་བ་ཤེས་བཞིན་དུ་དགེ་སློང་མ་ཟས་ཟོས་ཟིན་ཅིང་སྤངས་པ་ལ་སྐབས་ཚོལ་ཅིང་། ཅི་ནས་ཀྱང་དགེ་སློང་མ་འདི་ཉེས་པ་དབྱུང་བར་བྱའོ་སྙམ་པ་དེ་ཉིད
20a3 རྐྱེན་དུ་བྱས་ནས། ། འཕགས་མ་འདི་འཚོ་ཞིག། འདི་ཟོ་ཞིག་ཅེས་ལྷག་པོར་མ་བྱས་པའི་བཟའ་བ་དང་བཅའ་བ་དུས་ཀྱི་སྟོབས་པར་བྱེད་ན་ལྟུང་བྱེད་དོ།། འདུས་ཏེ་ཟ་ན་དུས་མ་གཏོགས་ཏེ་ལྟུང་བྱེད་དོ།། དེ་ལ་དུས
20a4 ནི་འདི་ཡིན་ཏེ། ན་བ་དུས་སོ།། ལས་དུས་སོ།། ལམ་དུས་སོ།། གྲུར་ཞུགས་པ་དང་། འདུས་པ་ཆེན་པོ་དང་། དགེ་སྦྱོང་གི་ཟས་དུས་ཏེ། དེ་ལ་དེ་ནི་དུས་ཡིན་ནོ།། ཡང་དགེ་སློང་མ་གང་དུས་མ
20a5 ཡིན་པར་བཅའ་བ་འམ། བཟའ་བ་འཆའ་འམ་ཟ་ན་ལྟུང་བྱེད་དོ།། ཡང་དགེ་སློང་མ་གང་བཅའ་བ་འམ་བཟའ་བ་གསོག་འཇོག་བྱས་པ་ཟའམ་འཆར་ན་ལྟུང་བྱེད་དོ།། ཡང་དགེ་སློང་མ་གང་བྱིན་ལེན་མ་བྱས་པར
20a6 ཁ་ནས་མེད་པའི་ཟས་ཟ་ན། ཆུ་དང་སོ་ཤིང་མ་གཏོགས་ཏེ་ལྟུང་བྱེད་དོ།། ། སྡོམ་ལ། སྲོག་ཆགས་བཅས་དང་གཅེར་བུ་དང་།། དམགལ་ལྷ་དང་ཞག་གཉིས་དང་།། བཤམས་པ་འཁྲུགས་ད
20a7 བརྡེག་པ་དང་། གཟས་པ་དང་ནི་གནས་ངན་ལེན། ཡང་དགེ་སློང་མ་གང་ཤེས་བཞིན་དུ་སྲོག་ཆགས་དང་བཅས་པའི་རྒྱལ་སྤྱོད་ན་ལྟུང་བྱེད་དོ།། ཡང་དགེ་སློང་མ་གཅེར་བུ་པ་འམ། གཙོ
iiif viewer powered by OpenSeadragon
