| e-texts navigator |
| Wylie |
18b1 སྔོགས་བྱེད་དང་སྟོན་པ་དང་། ། གདོན་དང་གནས་ངན་ལེན་དང་ཆོས།། བཤེས་ངོར་བྱེད་དང་ཁྱད་དུ་གསོད། འཕགས་མ་དག་ལྟུང་བྱེད་ཀྱི་ཆོས་བརྒྱ་བརྒྱད་ཅུ་པོ་འདི་དག་ནི་ཟླ་བ་ཕྱེད་བྱེད
18b2 ཅིང་སོ་སོར་ཐར་པའི་མདོ་གདོན་པ་ལས་འབྱུང་ངོ་། ། ཤེས་བཞིན་དུ་བརྫུན་དུ་སྨྲ་ན་ལྟུང་བྱེད་དོ།། མིའི་སྐྱོན་ནས་སྨྲ་ན་ལྟུང་བྱེད་དོ།། དགེ་སློང་མ་ལ་ཕྲ་མ་བྱེད་ན་ལྟུང་བྱེད་དོ།། ཡང་དགེ་སློང་མ་གང་དགེ་འདུན
18b3 མཐུན་པས་ཆོས་བཞིན་དུ་རྩོད་པ་སྦྱངས་པ་ཤེས་བཞིན་དུ་ཡང་ལས་ཀྱིས་སྒྱུ་སྔོགས་བྱེད་ན་ལྟུང་བྱེད་དོ། ། ཡང་དགེ་སློང་མ་གང་སྐྱེས་པའི་ཡུལ་ལ་ཚིག་ལྔའམ་དྲུག་ལས་ལྷག་པར་ཆོས་སྙན་ན། ག
18b4 པའི་བུད་མེད་མ་གཏོགས་ཏེ་ལྟུང་བྱེད་དོ། ། ཡང་དགེ་སློང་མ་གང་གང་ཟག་བསྙེན་པར་མ་རྫོགས་པ་དང་། ཚིག་གིས་ཆོས་འདོན་ན་ལྟུང་བྱེད་དོ།། ཡང་དགེ་སློང་མ་གང་གང་ཟག་བསྙེན་པར་མ་རྫོགས་པ
18b5 ལ་གནས་ངན་ལེན་གྱིས་ལྟུང་བ་རྗོད་ན། དགེ་འདུན་གྱིས་གནང་བ་མ་གཏོགས་ཏེ་ལྟུང་བྱེད་དོ།། ཡང་དགེ་སློང་མ་གང་གང་ཟག་བསྙེན་པར་མ་རྫོགས་པ་ལ་མིའི་ཆོས་བླ་མ་བདེན་པར་སྨྲ་ན་ལྟུང་བྱེད་དོ།།
18b6 ཡང་དགེ་སློང་མ་གང་སྔར་ལེགས་པར་རུང་བར་བྱས་ནས། དེའི་འོག་ཏུ་འདི་སྐད་ཅེས། འཕགས་མ་བདག་འདི་ལྟར་བ་ཤེས་ངོར་བྱས་ཏེ། དགེ་འདུན་གྱི་རྙེད་པར་བསྔོས་པ་བདག་གིས་གང
18b7 ཟག་ལ་བསྔོས་སོ་ཞེས་ཟེར་ན་ལྟུང་བྱེད་དོ། ། ཡང་དགེ་སློང་མ་གང་ཟླ་བ་ཕྱེད་བྱེད་ཅིང་སོ་སོར་ཐར་པའི་མདོ་གདོན་པ་འདོན་པ་ན། འདི་སྐད་ཅེས་འཕགས་མ་དག་གང་དག་གིས་དགེ།
iiif viewer powered by OpenSeadragon
