| e-texts navigator |
| Wylie |
17a1 ཅེས་ཚེ་དང་ལྡན་པ་ཐག་པ་ཤེས་པར་གྱིས་ཤིག། གོས་འདི་ལ་མོའི་ཕྱིར་འཐག་གིས། ཚེ་དང་ལྡན་པ་ཟག་པ་གོས་འདི་ཞིང་ཆེ་བ་དང་། ཐུན་རིང་བ་དང་། ཐར་གྱིས་ནག་པ་དང་། ཐག
17a2 རན་བཟང་བ་ལེགས་པར་གྱིས་ཤིག། ཚེ་དང་ལྡན་པ་ཐ་ག་པ་ཁོ་མོས་གླ་རྔན་འདི་ལྟ་སྟེ། བཟའ་བ་འམ། བཅའ་བ་འམ། བཟའ་རྒྱུ་ཅུང་ཟད་ཅིག་སྦྱིན་ནོ་ཞེས་སྨྲས་ནས། དེ་ལ་གལ་ཏེ་དགེ་སློང་མ་དེས
17a3 གོས་བསྒྲུབ་པའི་ཕྱིར་གླ་རྔན་འདི་ལྟ་སྟེ། བཅའ་བ་འམ། བཟའ་བ་འམ། བཟའ་རྒྱུ་ཅུང་ཟད་ཅིག་བྱིན་ཞིང་གོས་གྲུབ་ན་སྤང་བའི་ལྟུང་བྱེད་དོ།། ཡང་དགེ་སློང་མ་གང་དགེ་སློང་མ་གོས་བྱིན་ནས། དེའི་འོག
17a4 ཏུ་ཁྲོས་འཁྲུགས་བརྔམ་པར་གྱུར་ཏེ། ཡིད་མ་རངས་ནས་འཕྲོགས་གམ། འཕྲོགས་དུ་འཇུག་ཅིང་། དེ་ལ་འདི་སྐད་ཅེས་དགེ་སློང་མོ་ཁྱོད་ལ་གོས་མི་སྦྱིན་གྱིས། ཕྱིར་བྱིན་ཅིག་ཅེས་ཟེར་ན། དགེ་སློང
17a5 མ་དེ་ལ་ལྷགས་མ་ཡོད་ན་དེ་ལ་ཕྱིར་སྦྱིན་པར་བྱ་ཞིང་བཏང་ན་སྤང་བའི་ལྟུང་བྱེད་དོ། ། ཡང་དགེ་སློང་མ་གང་དགེ་འདུན་ལ་བསྔོས་པའི་རྙེད་པ་ཤེས་བཞིན་དུ་གང་ཟག་ལ་སྦྱར་དུ་འཇུག་ན་སྤང་བའི་ལྟུང་བྱེད་དོ།།
17a6 བཅོམ་ལྡན་འདས་ཀྱིས་དགེ་སློང་མ་ན་པ་རྣམས་ལ་ཕན་པ་སོ་སོར་བསྟོན་པར་བྱ་བའི་སྨན་གང་དག་བཀའ་སྩལ་པ་འདི་ལྟ་སྟེ། ཞུན་མར་དང་། འབྲུ་མར་དང་། བུ་རམ་དང་། སྦྲང་རྩི་དང་། བུ་རམ
17a7 གྱི་དབུ་བ་དེ་དག་ལས། དགེ་སློང་མན་བས་འདོད་ན་རང་གིས་ཞག་བདུན་པར་བྱིན་གྱིས་བརླབས་ཏེ་གསོགས་འཇོག་གིས་ཡོངས་སུ་སྤྱད་པས་ཡོངས་སུ་ཁེངས་སྤྱད་པར་བྱའོ།། དེ་ལས་འདས་པར
iiif viewer powered by OpenSeadragon
