| e-texts navigator |
| Wylie |
16a1 ནས། དགེ་སློང་མ་ག་ལ་བ་དེར་འགྲོ་བར་བྱ་ཞིང་། བྱིན་ནས་དགེ་སློང་མ་དེ་ལ་འདི་སྐད་ཅེས། འཕགས་མས་ཞལ་ཏ་བགྱིད་པ་བསྟན་པ་གང་ལགས་པ་དེ་ལ་བདག་གིས་ཡང
16a2 དག་པར་བསྟན་ལགས་ཀྱིས། དེའི་གན་དུ་བཞུད་ཅིག་དང་། དེས་ཁྱོད་ལ་གོས་རུང་བ་དུས་སུ་བསྐོན་པར་འགྱུར་རོ་ཞེས་བརྗོད་པར་བྱའོ།། དགེ་སློང་མ་གོས་འདོད་པས་ཞལ་ཏ་བྱེད་པའི་གན་དུ་སོང་ལ།
16a3 ཚེ་དང་ལྡན་པ་ཞལ་ཏ་བྱེད་པ་བདག་གོས་འདོད་དོ།། ཚེ་དང་ལྡན་པ་ཞལ་ཏ་བྱེད་པ་བདག་གོས་འདོད་དོ།། ཞེས་ལན་གཉིས་ལན་གསུམ་དུ་བསྐུར་བར་བྱ། དྲན་པར་བྱའོ།། ལན་གཉིས་ལན་གསུམ་དུ
16a4 བསྐུལ་ཞིང་དྲན་པར་བྱས་པ་ན། གལ་ཏེ་གོས་དེ་གྲུབ་ན་དེ་ལྟ་ན་ལེགས། གལ་ཏེ་མ་གྲུབ་ན་ལན་བཞི། ལན་ལྔ། ལན་དྲུག་གིས་བར་དུ་ཕྱོགས་སུ་ཅང་མི་སྨྲ་བར་བསྡད་པར་བྱའོ།། ལན་བཞི།
16a5 ལན་ལྔ། ལན་དྲུག་གི་བར་དུ་ཕྱོགས་སུ་ཅང་མི་སྨྲ་བར་བསྡད་པ་ན།། གལ་ཏེ་གོས་གྲུབ་ན་དེ་ལྟ་ན་ལེགས། གལ་ཏེ་མ་གྲུབ་ན་དེའི་འོག་ཏུ་གོས་བསྒྲུབ་པའི་ཕྱིར་བཙལ་ཏེ་གོས་གྲུབ་ན་སྤང་བའི་ལྟུང་བྱེད་དོ།། གལ་ཏེ
16a6 མ་གྲུབ་ན་ཕྱོགས་གང་ན་གོས་ཀྱི་རིན་དེ་དག་འོངས་པ་དེར་བདག་འགྲོ་བར་བྱའོ། ། ཡང་ན་ཡིད་བརྟན་པའི་ཕོ་ཉ་ལས་ཚེ་དང་ལྡན་པ་དག་གིས་དགེ་སློང་མ་ཆེ་གེ་མོའི་ཕྱིར་གོས་ཀྱི་རོན་བསྐུར་བ་དེ་དག་ནི། དགེ་སློང་མ
16a7 དེའི་དོན་ཅི་ཡང་མ་གྲུབ་ཀྱི། ཤེས་པར་གྱིས་ཤིག། ཚེ་དང་ལྡན་བདག་གིས་རང་གི་ནོར་ཆུང་མ་གསན་ཅིག་ཅེས་སྤྲིང་བར་བྱ་སྟེ། དེ་ལ་དེ་ནི་ཆོ་ག་ཡིན་ནོ།། ། སྡོམ་ལ། གསེར
iiif viewer powered by OpenSeadragon
