| e-texts navigator |
| Wylie |
25b1 བཤགས་པར་བྱ་བའི་ཆོས་བཞི་པོ་དག་བཏོན་ཟིན་ཏོ། ། དེ་ལ་བདག་གིས་ཚེ་དང་ལྡན་པ་དག་ལ། ཅི་འདི་ལ་ཁྱེད་ཡོངས་སུ་དག་གམ་ཞེས་དྲིའོ།། ཅི་འདི་ལ་ཁྱེད་ཡོངས་སུ་དག་གམ་ཞེས་ལན
25b2 གཉིས་ལན་གསུམ་དུ་དྲིའོ། ། འདི་ལ་ཚེ་དང་ལྡན་པ་དག་ཡོངས་སུ་དག་ན། འདི་ལྟར་ཅང་མི་སྨྲ་བར་དེ་དེ་བཞིན་དུ་འཛིན་ཏོ།། སྡོམ་ལ། ཤམ་ཐབས་ལ་ནི་རྣམ་བདུན་དང་། སྟོད་གཡོགས
25b3 ལ་ཡང་རྣམ་གསུམ་དང་། ། ཤིན་ཏུ་བསྡམས་ལ་སོགས་པ་ལྔ།། མགོ་གཡོགས་ལ་སོགས་རྣམ་པ་ལྔ།། མཆོད་ལ་སོགས་པ་རྣམ་ལྔ་དང་།། ལུས་ལ་སོགས་པ་རྣམ་པ་ལྔ།། འདུག་པར་བྱ་བ་དགུ
25b4 དག་དང་། ། བྱིན་ལེན་བྱ་བ་བརྒྱད་རྣམས་སོ།། ཚེ་དང་ལྡན་པ་དག་བསླབ་པའི་ཆོས་མང་པོ་འདི་དག་རྣམས་ནི་ཟླ་བ་ཕྱེད་ཕྱེད་ཅིང་སོ་སོར་ཐར་པའི་མདོ་གདོན་པ་ལས་འབྱུང་ངོ་།། ཤམ་ཐབས་ཟླུམ
25b5 བོར་བགོ་བར་བར་བསླབ་པར་བྱ། ཤམ་ཐབས་ཧ་ཅང་བརྩེངས་པ་མ་ཡིན་པ་དང་། ཧ་ཅང་འཇོལ་བ་མ་ཡིན་པ་དང་། གླང་པོ་ཆེའི་སྣ་ལྟར་མ་ཡིན་པ་དང་། ཏ་ལའི་ལོ་མ་ལྟར་མ་ཡིན་པ་དང་། འབྲུའི
25b6 ཕུར་མ་ལྟར་མ་ཡིན་པ་དང་། སྦྲུལ་མགོའི་གེདེངས་ཀ་ལྟར་མ་ཡིན་པར་བགོ་བར་བསླབ་པར་བྱའོ།། ཆོས་གོས་ཟླུམ་པོར་བགོ་བར་བསླབ་པར་བྱའོ།། ཆོས་གོས་ཧ་ཅང་བརྩེངས་པ་མ་ཡིན་པ་དང་། ཧ་ཅང
25b7 འཇོལ་བ་མ་ཡིན་པར་བགོ་བར་བསླབ་པར་བྱའོ། ། ཤིན་ཏུ་བསྡམས་པ་དང་། ལེགས་པ་བར་བགོས་པ་དང་། སྒྲ་བསྐྱུངས་པ་དང་། མིག་གཡེང་བར་མི་བྱ་བ་དང་། གཉའ་ཤིང་གང་ཙམ་དུ་བལྟ་ཞིང
iiif viewer powered by OpenSeadragon
