| e-texts navigator |
| Wylie |
3a1 ཉིད་དུ་གྱིས། ། རྟག་ཏུ་འབད་པས་འདའ་བ་ཡི།། སེམས་རྟ་ཁ་ལན་དཀའ་བ་ལ།། འཐུན་པ་གཟེར་རྣོན་བརྒྱ་པ་ཡི།། སྲབ་འདི་སོ་སོར་ཐར་འདི་ཡིན།། ཆེ་བ་གང་དག་ངག་ཙམ་གྱིས།། ལྡོག་ཅིང་འཚམས་ལས་མི་འདའ
3a2 བ། ། དེ་དག་མི་རྟ་བཟང་པོ་སྟེ།། ཉོན་མོངས་གཡུལ་ལས་དེས་རྒྱལ་འགྱུར།། སུ་ལ་སྲབ་འདི་མེད་པ་དང་།། ནམ་དུའང་འདོད་པར་མི་འགྱུར་བ།། དེ་དག་ཉོན་མོངས་གཡུལ་གྱིས་དཀྲུགས།། འཇོག་བྲལ་རྣམ་པར་འཁྱམ་པར་འགྱུར།
3a3 དགེ་འདུན་འཕགས་མ་རྣམས་གསན་དུ་གསོལ།། དེང་དགེ་འདུན་གྱི་གསོ་སྦྱོང་བཅུ་བཞི་པ་འམ་བཅཝ་ལྔ་པ་ལགས་ཏེ།། གལ་ཏེ་དགེ་འདུན་གྱི་དུས་ལ་བབ་ཅིང་བཟོད་ན་དགེ་འདུན་གྱིས་གནང་བར་མཛོད་ཅིག་དང་། དེང་དགེ་འདུན་གསོ་སྦྱོང
3a4 མཛད་དེ། སོ་སོར་ཐར་པའི་མདོ་གདོན་པ་གདོན་ཏོ།། འདི་ནི་གསོལ་བའོ།། འཕགས་མ་དག་བདག་ཅག་གསོ་སྦྱོང་བྱ་སྟེ། བདག་གིས་སོ་སོར་ཐར་པའི་མདོ་གདོན་པ་གདོན་གྱིས་ལེགས་པར་ཉོན་ལ་རབ་ཏུ་ཡིད་ལ་གྱིས་ཤིག་དང་བདག་གིས་བྱེད
3a5 ལ་བཤད་དོ། ། ཁྱེད་ཅག་སུ་ལ་ལྟུང་བ་ཡོད་པ་དེ་མཐོ་ལ་ཅིག། ལྟུང་བ་མེད་ན་ཅང་མི་སྨྲ་ཤིག། ཅང་མི་སྨྲ་ན་བདག་གིས་འཕགས་མ་དག་ཡོངས་སུ་དག་པར་རིག་པར་བྱའོ།། ཇི་ལྟར་སོ་སོར་དྲིས་ནས་དགེ་སློང་མས་ལན་བཏབ་པ་དེ་བཞིན་དུ
3a6 དགེ་སློང་མའི་འཁོར་འདི་ལྟ་བུར་ཡང་ལན་གསུམ་གྱི་བར་དུ་བསྒྲག་པར་བྱ་བ་ཡིན་ནོ། ། ཡང་དགེ་སློང་མ་གང་དགེ་སློང་མའི་འཁོར་འདི་ལྟ་བུར་ལན་གསུམ་གྱི་བར་དུ་བསྒྲགས་པ་ན་ལྟུང་བ་ཡོད་ལ་དྲན་བཞིན་དུ་མི་མཐོལ་ན་དེ་ཤེས་བཞིན
3a7 དུ་བརྫུན་དུ་སྨྲ་བ་ཡིན་ནོ། ། འཕགས་མ་དག་ཤེས་བཞིན་དུ་བརྫུན་དུ་སྨྲ་བ་ནི་བཅོམ་ལྡན་འདས་ཀྱིས་བར་དུ་གཅོད་པའི་ཆོས་སུ་གསུངས་སོ།། དེ་བས་ན་དགེ་སློང་མ་ལྟུང་བ་བྱུང་བ་རྣམ་པར་དག་པར་འདོད་པས་ལྟུང་བ་ཡོད་ལ་དྲན
3a8 བཞིན་དུ་མཐོང་བ་མཐོལ་བར་བྱའོ། ། མཐོལ་ན་བདེ་བ་ལ་རེག་པར་གནས་པར་འགྱུར་རོ།། མ་མཐོལ་མ་བཤགས་ན་མི་འགྱུར་རོ།། འཕགས་མ་དག་བདག་གིས་སོ་སོར་ཐར་པའི་མདོ་གདོན་པའི་གླེང་གཞི་བཏོན་ཟིན་ཏོ།། དེ་ལ་བདག
iiif viewer powered by OpenSeadragon
