| e-texts navigator |
| Wylie |
288b1 ལྡན་འདས་ཀྱིས་བཀའ་སྩལ་པ། རྩཝ་སྔོན་པོ་ལ་བཤང་པ་དང་གཙེ་བ་དོར་བར་མི་བྱའོ་ཞེས་བྱ་བ་ནས། ནང་བ་ཡིན་ན་རྗེས་སུ་གནང་ངོ་ཞེས་བྱ་བའི་བར་རོ།། དེ་བཞིན་དུ་མཆིལ་མ་འདོར་བར་བྱེད་པ་དང་། དོར་བར་མ་བྱའོ་ཞེས
288b2 བྱ་བ་ནས། བཅོམ་ལྡན་འདས་ཀྱིས་བཀའ་སྩལ་པ། ནང་པ་ཡིན་ན་རྗེས་སུ་གནང་ངོ་ཞེས་བྱ་བའི་བར་རོ།། དེ་བཞིན་དུ་སྣབས་ལ་ཡང་བརྗོད་པར་བྱའོ།། ཇི་ཙམ་ན་སྐྱུགས་པ་དང་། རླུགས་པ་དག་འདོར་བར་བྱེད་པ་ནས། བཅོམ
288b3 ལྡན་འདས་ཀྱིས་བཀའ་སྩལ་པ་མིན་པར་འགྲེང་སྟེ་བཤད་པ་དང་གཅི་བ་མི་བྱ་བ་དང་། མི་ན་བར་རྩཝ་སྔོན་པོ་ཡོད་པའི་ས་ཕྱོགས་སུ་བཤང་བ་དང་གཅི་བ་དང་། མཆིལ་མ་དང་། སྣརུབས་དང་། སྤྲུགས་པ་དང་། རླུགས་པ་མི་དོང་བར
288b4 བསླབ་པར་བྱའོ་ཞེས་བྱ་བའི་བར་རོ། ། དེ་བཞིན་དུ་གོང་དུ་སེར་སྐྱའི་གཞིར་ཀུན་དགའ་ར་བའི་སྲུངས་མ་དང་། སྦོམ་དགའ་མོ་ཇི་ལྟ་བ་དེ་བཞིན་དུ་བཙོ་བླག་མཁན་ལ་ཡང་བརྗོད་པར་བྱ་སྟེ། ཇི་ཙམ་ན་བཀྲུ་སྨན་ཟོས་ནས་ཞེས་བྱ
288b5 བ་ནས། མ་གཙང་བས་བཀང་བའི་སྣོད་དང་། བརྡབ་པའི་གཞི་དང་། གོས་བཤལ་བའི་ཆུ་སྣོད་མ་རུང་བར་བྱས་སོ།། དེ་ནས་བཙོ་བླག་མཁན་དེ་གོས་འཁྲུ་བ་ན་གོས་དེ་ཚོན་ཁྲ་བོ་སྣ་ཚོགས་ཀྱི་ཚེན་གྱིས་བཀྲ་བ་དང་། མནམ་པ་མཐོང་ངོ།
288b6 ཞེས་བྱ་བའི་བར་རོ།། དེ་ནས་སྦོམ་དགའ་མོ་འོངས་ནས་འདི་སྐད་ཅེས་སྨྲས་སོ།། ཀྱེ་ནང་རྗེ་གོས་དག་ཅི་སྟེ་སྐྱེ་བོར་གྱུར། དེས་འདི་སྐད་ཅེས་འཕགས་མ་ཁྱོད་ཀྱིས་མ་བྱས་གྲང་ཞེས་སྨྲས་པ་དང་། སྦོམ་དགའ་མོས་འདི་སྐད་ཅེས་ཁྱོད་དེ་ལྟར་བཅོས
288b7 སོ་ཞེས་སྨྲས་པ་ན་སྨོད་པར་བྱེད་པ་ནས། བཅོམ་ལྡན་འདས་ཀྱིས་བཀའ་སྩལ་པ། ཆུའི་ནང་དུ་བཤང་གཅི་དོར་བར་མི་བྱའོ་ཞེས་བྱ་བའི་བར་རོ།། ན་བ་དག་དེ་ཉིད་དུ་འདོར་བར་བྱེད་པ་ནས། བཅོམ་ལྡན་འདས་ཀྱིས་བཀའ་སྩལ་པ་རྗེས་སུ་གནང་ངོ་།།
288b8 དེ་བཞིན་དུ་མཆིལ་མ་དང་། སྣབས་དང་། སྐྱུགས་པ་དང་། རླུགས་པ་ཞེས་བྱ་བ་ནས། ནད་པ་ཡིན་ན་རྗེས་སུ་གནང་ངོ་ཞེས་བྱ་བའི་བར་རོ།། གང་གི་ཚེ་བཅོམ་ལྡན་འདས་ཀྱིས་མཉན་ཡོད་དུ་དགེ་བསྐོས་ལ་བརྟེན་ནས་ཤིང་ལ་འཛེག་པའི་བསླབ་པའི
iiif viewer powered by OpenSeadragon
