| e-texts navigator |
| Wylie |
287a1 བ་དང་། གཟར་བ་ལ་མ་ཡིན་པ་དང་། ཕྲག་པ་གཉིས་ཀ་ལ་གཟར་བ་ལ་མ་ཡིན་པ་དང་། མིན་པར་གཉའ་གོང་དུ་བསྣོལ་བ་ལ་ཆོས་མི་བཤད་པར་བསླབ་པར་བྱའོ་ཞེས་བྱ་བའི་བར་རོ།། དེ་ནས་བཅུ་གཉིས་སྡེ་དག་གླང་པོ་ཆེ་ཞོན་པ་ལ
287a2 ཆོས་འཆད་པར་བྱེད་པ་ནས། བཅོམ་ལྡན་འདས་ཀྱིས་བཀའ་སྩལ་པ། བཤད་པར་མི་བྱའོ་ཞེས་བྱ་བའི་བར་རོ།། དེ་ནས་གླང་པོ་ཆེ་ཞོན་པ་དག་གཡུལ་དུ་ཆས་ནས་དེ་དག་གིས་འདི་སྐད་ཅེས་སྨྲས་སོ།། འཕགས་མ་ཆོས་བཤད་དུ་གསོལ།
287a3 དེ་དག་གིས་འདི་སྐད་ཅེས་སྨྲས་སོ།། ཕོབས་ཤིག་དང་ཆོས་བཤད་དོ།། དེ་དག་གིས་འདི་སྐད་ཅེས་བདག་ཅག་འགུམས་པར་བགྱིད་པ་ཕས་ཀྱིས་རྒོལ་བ་དག་རྟིང་ལ་ཐུག་ལགས་སོ་ཞེས་སྨྲས་པ་ནས། བཅོམ་ལྡན་འདས་ཀྱིས་བཀའ་སྩལ་པ།
287a4 ནད་པ་ཡིན་ནོ་ཞེས་བྱ་སྟེ་བཤད་པར་བྱའོ་ཞེས་བྱ་བའི་བར་རོ།། དེ་བཞིན་དུ་རྟ་ཞོན་པ་དང་། ཤིང་རྟར་ཞུགས་པ་ལ་ཡང་བརྗོད་པར་བྱའོ།། དེ་ནས་མི་ཕྲག་པ་དང་། མགོ་ལ་ཞོན་ཞིང་འགྲོ་བ་ནས་ཆོས་བཤད་པར་མི་བྱའོ་ཞེས་བྱ་བའི་བར་རོ།། །
287a5 ཇི་ཙམ་ན་ནད་པར་གྱུར་པ་ནས་བཅོམ་ལྡན་འདས་ཀྱིས་བཀའ་སྩལ་པ། བཤད་པར་བྱའོ་ཞེས་བྱ་བའི་བར་རོ།། ལྷམ་མཐོན་པོ་གྱོན་པའི་བར་དག་ལ་ཆོས་འཆད་པར་བྱེད་པ་ནས། བཅོམ་ལྡན་འདས་ཀྱིས་བཀའ་སྩལ་པ། མི་ན་པར་གླང་པོ་ཆེ
287a6 ཞོན་པ་ལ་ཆོས་བཤད་པར་མི་བྱ་སྟེ། རྟ་ཞོན་པ་ལ་མ་ཡིན་པ་དང་། ཤིང་རྟར་ཞུགས་པ་ལ་མ་ཡིན་པ་དང་། མི་ལ་ཞོན་པ་ལ་མ་ཡིན་པ་དང་། མི་ན་བར་ལྷམ་མཐོན་པོ་གྱོན་པ་ལ་ཆོས་མི་བཤད་པར་བསླབ་པར་བྱའོ་ཞེས་བྱ་བའི་བར་རོ།། དེ
287a7 ནས་བཅུ་གཉིས་སྡེ་དག་སྤ་དོ་ཀེར་ཅན་ལ་ཆོས་འཆད་པར་བྱེད་པ་ནས། བཅོམ་ལྡན་འདས་ཀྱིས་བཀའ་སྩལ་པ། བཤད་པར་མི་བྱའོ་ཞེས་བྱ་བའི་བར་རོ།། རྒྱལ་པོ་འོངས་པ་ནས་བཅོམ་ལྡན་འདས་ཀྱིས་བཀའ་སྩལ་པ། བཤད་པར་བྱར
287a8 ཞེས་བྱ་བའི་བར་རོ། ། དེ་བཞིན་དུ་མགོ་དཀྲིས་པ་དག་འོངས་པ་ནས། བཅོམ་ལྡན་འདས་ཀྱིས་བཀའ་སྩལ་པ། བཤད་པར་མི་བྱའོ་ཞེས་བྱ་བའི་བར་རོ།། ཇི་ཙམ་ན་བློན་པོ་ཆེན་པོ་འམ་ནང་བ་དག་འོངས་པ་ནས། བཅོམ་ལྡན་འདས་ཀྱིས
iiif viewer powered by OpenSeadragon
