| e-texts navigator |
| Wylie |
52a1 བོའི་ཚོགས་ཆེན་པོས་མངོན་པར་བཏུད་ཅིང་ཡུན་རིང་དུ་ཚེས་ཀྱི་རྒྱལ་པོ་བྱེད་པར་གྱུར་ཏོ། ། འཛམ་བུའི་གླིང་གི་དམན་པ་དང་། ལོང་བ་དང་། བཀྲེན་པ་དང་། སྡུག་ཕོངས་པ་ཐམས་ཅད་ནོར་གྱིས་ཚིམ་པར་བྱས་ནས་དགེ་བ་བཅུའི་ལས
52a2 ཀྱི་ལམ་ལ་བཞག་སྟེ། འདོད་པ་ན་སྤྱོད་པའི་ལྷ་དྲུག་ཀུན་དགའ་བར་བྱས་ནས་དུས་གཞན་ཞིག་གི་ཚེ་སྲོག་ཆགས་བརྒྱ་སྟོང་དུ་མ་རྣམས་དང་དེ་ལྷན་གཅིག་ཏུ་དུས་བྱས་ཏེ། དགའ་ལྡན་གྱི་ལྷའི་རིས་སུ་སྐྱེས་སོ།། བཅོམ་ལྡན་འདས་ཀྱིས་བཀའ་སྩལ་པ
52a3 དགེ་སློང་དག་དེའི་ཚེ་དེའི་དུས་ན་རྒྱལ་པོ་དཔལ་གྱི་སྡེ་ཞེས་བྱ་བ་དེ་གཞན་ཞིག་ཡིན་པ་སྙམ་དུ་ཐེ་ཙོམ་འམ་ཡིད་གཉིས་སུ་གྱུར་ན་ཁྱེད་རྣམས་ཀྱིས་དེ་ལྟར་མི་བལྟའི་གཞན་དུ་ན་ཉིད་དེའི་ཚེ་དེའི་དུས་ན་རྒྱལ་པོ་དཔལ་གྱི་སྡེ་ཞེས་བྱ་བར་གྱུར་ཏེ། དེའི
52a4 ཚེ་རང་གི་ལུས་ཡོངས་སུ་བཏང་ངོ་། ། དགེ་སློང་དག་དེའི་ཚེ་དེའི་དུས་ན་རྒྱལ་པོ་དཔལ་གྱི་སྡེའི་བཙུན་མོ་རྒྱལ་བའི་འོད་དུ་གྱུར་པ་གང་ཡིན་པ་དེ་ནི་གྲགས་འཛིན་མ་འདི་ཉིད་ཡིན་ཏེ། དེའི་ཚེ་དེའི་དུས་ན་བཙུན་མོ་རྒྱལ་བའི་འོད་ཅེས་བྱ་བར་གྱུར་ཏོ།། དགེ
52a5 སློང་དག་བློན་པོའི་མཆོག་བློ་གྲོས་ཆེན་པོར་གྱུར་པ་གང་ཡིན་པ་དེ་ནི་དགེ་སློང་ཤཱ་རིའི་བུ་འདི་ཉིད་ཡིན་ཏེ། དེའི་ཚེ་དེའི་དུས་ན་བློན་པོ་བློ་གྲོས་ཆེན་པོར་གྱུར་ཏོ།། དགེ་སློང་དག་ལྷའི་དབང་པོ་བརྒྱ་བྱིན་དུ་གྱུར་པ་གང་ཡིན་པ་དེ་ནི་རྒྱལ་པོ་གཟུགས་ཅན
52a6 སྙིང་པོ་འདི་ཉིད་ཡིན་ཏེ། དེའི་ཚེ་དེའི་དུས་ན་ལྷའི་དབང་པོ་བརྒྱ་བྱིན་དུ་གྱུར་ཏོ།། དགེ་སློང་དག་སུམ་བཅུ་རྩ་གསུམ་གྱི་ལྷ་གང་ཡིན་པ་དེ་རྣམས་ནི་རྒྱལ་པོ་གཟུགས་ཅན་སྙིང་པོ་དང་ལྷན་ཅིག་ཏུ་བདེན་པ་མཐོང་བ་ལྷ་བརྒྱད་ཁྲི་པོ་འདི་ཉིད་ཡིན་ནོ།། དགེ
52a7 སློང་དག་གྲོང་ཁྱེར་གྱི་སྐྱེ་བོའི་ཚོགས་གང་ཡིན་པ་དེ་ནི་རྒྱལ་པོ་གཟུགས་ཅན་སྙིང་པོ་གང་དག་དང་ཐབས་ཅིག་ཏུ་ངའི་ཐད་དུ་འོངས་པའི་མ་ག་དྷའི་བྲམ་ཟེ་དང་ཁྱིམ་བདག་འདི་དག་ཉིད་ཡིན་ནོ། ། དགེ་སློང་དག་རི་ལ་གནས་པའི་དྲང་སྲོང་དུ་གྱུར་པ་གང་ཡིན
52a8 པ་དེ་ནི་དགེ་སློང་མཽད་གལ་གྱི་བུ་ཆེན་པོ་འདི་ཉིད་ཡིན་ཏེ། དེའི་ཚེ་དེའི་དུས་ན་དྲང་སྲོང་དུ་གྱུར་ཏོ།། གང་གིས་ངའི་དྲུང་དུ་བཙུན་མོ་རྒྱལ་བའི་འོད་སློང་བའི་དྲང་སྲོང་བྲམ་ཟེའི་ཁྱེའུ་དང་ཡིན་པ་དེ་ནི་ཤཱཀྱའི་བུ་མོས་འཚོ་མ་འདི་ཉིད་ཡིན་ཏེ། དེའི་ཚེ་དེའི
iiif viewer powered by OpenSeadragon
