| e-texts navigator |
| Wylie |
203b1 དང་། དེའི་ཚེ་འཁོར་དེ་ཉིད་ན་བྱང་ཆུབ་སེམས་དཔའ་སེམས་དཔའ་ཆེན་པོ་ཁྲི་བརྒྱ་སྟོང་སྙེད་འདུག་པ་ལས་ལངས་ཏེ། གོས་ཚགས་བཅོས་ནས་བླ་གོས་ཕྱོགས་གཅིག་ཏུ་གཟར་ཏེ་པུས་མོ་གཡས་པའི་ལྷ་ང་ས་ལ་བཙུགས
203b2 ཐལ་མོ་སྦྱར་བ་བཏུང་ནས་སངས་རྒྱས་ལ་འདི་སྐད་ཅེས་གསོལ་ཏོ། ། བཅོམ་ལྡན་འདས་བདག་ཅག་གིས་སླད་མའི་དུས་ངན་པའི་ཚེ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་འདི་བསྲུང་ཞིང་དམ་པའི་ཆོས་གཟུངས་སུ་བཟུང
203b3 སྟེ། སེམས་ཅན་མང་པོ་ལ་ཕན་པའི་དོན་བྱེད་པར་སྤྲོའོ།། དེ་ནས་བྱང་ཆུབ་སེམས་དཔའ་སེང་གེས་འདི་སྐད་ཅེས་གསོལ་ཏོ།། བཅོམ་ལྡན་འདས་བདག་ཀྱང་ཐབས་རྣམ་པ་སྣ་ཚོགས་ཀྱིས་སེམས་ཅན་རྣམས་ཡོངས་སུ་བསྡུ་བར
203b4 སྤྲོའོ། ། བྱང་ཆུབ་སེམས་དཔའ་རྡོ་རྗེས་གསོལ་པ། སེམས་ཅན་གང་ངན་འགྲོ་གསུམ་དུ་ལྟུང་བར་འགྱུར་བ་དག་བདག་གིས་ཅི་ནས་མི་ལྟུང་བར་བགྱི་བར་སྤྲོའོ།། བྱང་ཆུབ་སེམས་དཔའ་འཇམ་དཔལ་གྱིས་གསོལ་པ། སེམས
203b5 ཅན་རྣམས་ཅི་དང་ཅི་འདོད་པ་བདག་གིས་ཐམས་ཅད་ཡོངས་སུ་རྫོགས་པར་བགྱི་བར་སྤྲོའོ། ། བྱང་ཆུབ་སེམས་དཔའ་ཡེ་ཤེས་རྒྱལ་མཚན་གྱིས་གསོལ་པ། བདག་གིས་ནི་སེམས་ཅན་རྣམས་ལ་ཡེ་ཤེས་ཆེན་པོའི་ཆོས་ཀྱི་རྒྱལ
203b6 མཚན་སྦྱིན་པར་བགྱི་བ་སྤྲོའོ། ། བྱང་ཆུབ་སེམས་དཔའ་ཆོས་ཀྱི་རྒྱལ་མཚན་གྱིས་གསོལ་པ།། བཅོམ་ལྡན་འདས་བདག་གིས་ནི་སེམས་ཅན་རྣམས་ལ་ཆོས་ཡོངས་སུ་སྦྱིན་པར་སྤྲོའོ།། བྱང་ཆུབ་སེམས་དཔའ་ཉི་འོད་ཀྱིས
203b7 གསོལ་པ། བཅོམ་ལྡན་འདས་བདག་གིས་ནི་སེམས་ཅན་རྣམས་ལ། བདེ་བ་སྦྱིན་པར་སྤྲོའོ།། བྱང་ཆུབ་སེམས་དཔའ་ཟླ་འོད་ཀྱིས་གསོལ་པ། བཅོམ་ལྡན་འདས་བདག་གིས་ནི་སེམས་ཅན་རྣམས་ལ་བསོད་ནམས
203b8 ཀྱི་ལས་བྱེད་དུ་གཞུག་པར་བསྐུལ་བར་སྤྲོའོ། ། བྱང་ཆུབ་སེམས་དཔའ་དགེ་སྦྱོང་གིས་གསོལ་པ། བཅོམ་ལྡན་འདས་བདག་གིས་ནི་སེམས་ཅན་རྣམས་ལ་ཐམས་ཅད་བག་མེད་པ་ལ་མི་གནས་པར་བསྐལ་བར་སྤྲོའོ།། །
iiif viewer powered by OpenSeadragon
