| e-texts navigator |
| Wylie |
302a1 ཕྱིར་རྒྱལ་བུ་རྒྱལ་བྱེད་ཀྱི་ཚལ་དུ་འོངས་སོ།། ཕྱིས་ལོ་བདུན་ལོན་པ་དང་བྲམ་ཟེ་དེའི་ཁྱིམ་དུ་འོངས་ཏེ། བྲམ་ཟེ་དེ་ལ་བུ་བླངས་པ་དང་བྲམ་ཟེ་དེས་ཀྱང་ཤཱ་རིའི་བུ་ལ་ཕུལ་ལོ།། ཤཱ་རིའི་བུས་ཀྱང་དེ་བཞེས་ནས་རྒྱལ
302a2 བུ་རྒྱལ་བྱེད་ཀྱི་ཚལ་དུ་ཁྲིད་དེ་དེ། ཚུལ་དུ་བཅུག་ནས་དམ་པའི་ཆོས་རྣམ་པ་སྣ་ཚོགས་བསྟན་པས། སེམས་རྣམ་པར་གྲོལ་ཏེ་དགྲ་བཅོམ་པར་གྱུར་ནས། མངོན་པར་ཤེས་པ་དྲུག་དང་ཡོན་ཏན་ཀུན་དང་ལྡན་པར་གྱུར་ཏོ།། དུས་གཞན་ཞིག
302a3 ན་དགེ་ཚུལ་གྱུན་ཏེ་ཤེས་སྟོས་ཀྱིས་ཚེ་སྔ་མ་ལ་ཅི་བྱས་པ་ལུས་འདི་ཐོབ་ནས་སློབ་དཔོན་དང་ཕྲད་དེ་འབྲས་བུ་ཐོབ་པར་གྱུར་པ་རྟགས་ན། ཚེ་སྔ་མ་ལ་ཁྱི་ལྟོགས་པ་ཞིག་བྱེད་པ་ལས་བདག་སློབ་དཔོན་ཤཱ་རིའི་བུའི་དྲིན་གྱིས་མིའི་ལུས་དང
302a4 འབྲས་བུ་ཐོབ་པ་མཐོང་ཞིང་རྟོགས་ནས་རབ་ཏུ་དགའ་སྟེ་འདི་སྙམ་དུ་བསམས་སོ། ། བདག་ནི་སློབ་དཔོན་འདིའི་དྲིན་གྱིས་སྡུག་བསྔལ་བ་ལས་ཐར་བར་གྱུར་ཏོ།། ང་བདག་ནམ་འཚོ་བའི་བར་དུ་སློབ་དཔོན་གྱི་བསྙེན་བཀུར་བྱ་བའི་ཕྱིར།། དགེ་ཚུལ
302a5 བྱའི་བསྙེན་པར་རྫོགས་པར་མི་བྱའོ་སྙམ་བསམས་སོ། ། དེའི་ཚེ་ཀུན་དགའ་བོས་བཅོམ་ལྡན་འདས་ལ་གསོལ་པ། དགེ་ཚུལ་འདས་སྔོན་འདས་པའི་དུས་ན་སྡིག་པའི་ལས་ཅི་བགྱིས་པས་ཁྱིའི་ལུས་སུ་གྱུར། དགེ་བའི་ལས་ཅི་བགྱིས་ན
302a6 རྣམ་པར་གྲོལ་བར་འགྱུར། བཅོམ་ལྡན་འདས་ཀྱིས་ཀུན་དགའ་བོ་ལ་བཀའ་སྩལ་པ། སྔོན་འདས་པའི་དུས་ན་སངས་རྒྱས་འོད་སྲུངས་ཀྱི་ཚེ། དགེ་སློང་དག་ཅིག་ལྷན་ཅིག་འཁོད་པ་ལས་དགེ་སློང་གཞོན་ནུ་སྐད་སྙན་པ་གཅིག་ཡོད་དེ་བསྟོད
302a7 བ་དང་དབྲངས་ལེན་ན། ཐམས་ཅད་ཐོས་པར་དག་འོ་དའི་ཚེ་ན་དགེ་སློང་རྒན་པོ་ཞིག་ཡོད་པ་སྐད་མ་སྙན་ཏེ། འོན་ཀྱང་བསྟོད་པ་དང་ཚིགས་སུ་བཅད་པ་དབྱངས་དང་བཅས་ཏེ་བྱེད་དོ།། དགེ་སློང་རྒན་པོ་དེ་ནི་དགྲ་བཅོམ་པ་ཞིག་སྟེ། དགེ་སློང་གི
302a8 ཡོན་ཏན་ཐམས་ཅད་དང་ལྡན་ནོ། ། དུས་གཞན་ཞིག་ན་དགེ་སློང་གཞོན་ནུ་དབྱངས་སྙན་པ་དེས་དགེ་སློང་རྒན་པོ་དབྱངས་མི་སྙན་པ་དེ་ལ། ཁྱོད་ཀྱི་དབྱངས་ནི་ཁྱི་གཟུགས་པ་དང་འདྲའོ་ཞེས་སྨད་པའི་ཚིག་སྨྲས་སོ།། དེ་ནས་དགེ་སློང
iiif viewer powered by OpenSeadragon
